ကလေးတွေအတွက် စာရိတ္တပညာ

မြန်မာနိုင်ငံရဲ့ ပညာရေးထဲမှာ အာဏာပိုင်တွေ ၀င်ရောက်စွက်ဖက်တဲ့အတွက် အမျိုးမျိုးသော ဆိုးကျိုးဆက် တွေ ရလာတာကို ဒီ အပတ်စဉ် ပညာရေးကဏ္ဍကနေ တော်တော်များများ ဆွေးနွေးခဲ့ပြီး ဖြစ်ပါတယ်။ စစ်အစိုးရဟာ နိုင်ငံတော်ကို အဘက်ဘက်မှာ နိုင်ငံတကာစံချိန်မီအောင် အချိန်တိုင်းမှာ လုပ်ဆောင် နေပါတယ်လို့ ကမ္ဘာသိအောင် ကြေညာထားပေမဲ့ လက်တွေ့မှာတော့ နိုင်ငံတနိုင်ငံအတွက် အရေးကြီးဆုံး ကဏ္ဍ တစ်ခုဖြစ်တဲ့ ပညာရေးကိုတော့ လုံးလုံး ပစ်ပယ် လျစ်လျူရှုထားတာကို တွေ့နေရပါတယ်။

ပညာရေးဟာ တနိုင်ငံလုံး ၀ိုင်းဝန်းပူးပေါင်းဆောင်ရွက်ရမယ့် တာဝန်တရပ် ဖြစ်တယ် ဆိုပေမဲ့ တကယ်တမ်း အဓိက ပံ့ပိုးပေးဖို့ တာဝန်ရှိတာကတော့ အာဏာပိုင် အစိုးရပဲ ဖြစ်ပါတယ်။ ဒါကြောင့် ပညာရေးကဏ္ဍ တိုးတက်ခြင်း ဆုတ်ယုတ်ခြင်းဟာ နိုင်ငံ အာဏာပိုင်တွေပေါ်မှာ လုံးလုံး တာဝန်ရှိပါတယ်။ ခုချိန် ကမ္ဘာ့ပညာခေတ်မှာ နိုင်ငံတကာက စံအဖြစ်ထားရှိတဲ့ ပညာရေးဦးတည်ချက်ဟာ ကလေးတိုင်း ပညာသင် ခွင့်ရရေးနဲ့ ကလေးအခွင့်အရေးတွေ ဖြစ်ပါတယ်။ မြန်မာနိုင်ငံမှာကတော့ ပညာရေးဝန်ကြီး ဒေါက်တာချမ်းငြိမ်း က အခု ၂၀၀၇ခုနှစ်ထဲမှာကို ပညာရေးကဏ္ဍ တိုးတက်အောင် ဒီမိုကရေစီနည်းကျကျနဲ့ အစွမ်းကုန် အကောင်အထည်ဖော် လုပ်ဆောင်နေကြောင်း အကြိမ်ကြိမ်ပြောနေတဲ့ကြားကပဲ မြန်မာနိုင်ငံရဲ့ ကျောင်းတက်ချိန်တွေမှာ ပညာသင်ခွင့် မရတဲ့ ကလေးတွေ အများကြီးကို လမ်းတွေပေါ်မှာ ဈေးဆိုင်တွေမှာ အမျိုးမျိုးသော အလုပ်ခွင်တွေမှာ တွေ့ရတာ ပိုများလာနေပါတယ်။ ဒါဟာ တကမ္ဘာလုံး အတိုင်းအတာနဲ့ ကြိုးစားဖော်ဆောင်နေတဲ့ လူတိုင်းအတွက် ပညာရေး (Education for all) ဆိုတဲ့ အခြေခံလိုအပ်ချက် ကိုတောင် ဆောင်ရွက် မပေးနိုင်သေးတာ ဖြစ်ပါတယ်။

အဲဒီအပြင် ကျောင်းခန်းထဲက ကလေးတွေမှာလည်း ကလေးတွေအနေနဲ့ ရသင့်ရထိုက်တဲ့ ကျောင်းပညာရေးနဲ့ သင်ခန်းစာတွေကို သင်ယူခွင့် မရပြန်ပါဘူး။ အာဏာပိုင်တွေဟာ ကလေးတွေရဲ့ ပညာရေးထဲ သူတို့ ၀ါဒဖြန့်ချင်တဲ့ နိုင်ငံရေးနဲ့ ပတ်သက်တဲ့ ပြဿနာတွေကို ထည့်သွင်းသင်ကြားစေတာမျိုးတွေ လုပ်နေတာကို ဆွေးနွေးတင်ပြခဲ့ပြီးပါပြီ။ တကယ်တော့ ပညာရေးထဲမှာမှ အထူးသဖြင့် မူလတန်းပညာရေးဟာ အင်မတန် အရေးကြီးတာပါ။ ကလေးတွေရဲ့ ပညာရေးဘ၀အစဖြစ်တဲ့ မူလတန်းမှာ စိတ်ပိုင်းဆိုင်ရာ ဖွံ့ဖြိုးမှုအတွက် စံပြဖြစ်တဲ့ အသိပညာမျိုးတွေပေးဖို့ လိုတယ်ဆိုတာကို ပညာရေး စိတ်ပညာရှင်တွေ ပညာရေးပညာရှင်တွေ အားလုံးက တညီတညွတ်တည်း လက်ခံထားပါ တယ်။ ဒါကြောင့်ပဲ နိုင်ငံတကာက ကလေးတွေအတွက် မူလတန်းပညာရေးကတည်းက စပြီး လူမှုဆက်ဆံရေးနဲ့ စာရိတ္တပညာတွေကို ကျောင်းသင်ရိုးတွေထဲ သေသေချာချာ ထည့်သွင်း ပြဌာန်းထားတာ တွေ့ရပါတယ်။

အထူးသဖြင့်တော့ ကလေးတွေအတွက် အင်မတန်နုနယ်တဲ့ ပထမအရွယ်မှာ အဓိက သိနားလည်ဖို့ လိုအပ်တာက မေတ္တာတရားရဲ့သဘောသဘာဝနဲ့အတူ ပတ်ဝန်းကျင်အပေါ် အကောင်းမြင်စိတ်ဓါတ်နဲ့ အပြုသဘောဆောင်တဲ့ ကိုယ်နှုတ်အမူအယာတွေ ကိုယ်ကျင့်တရားတွေကို သိဖို့ မြင်ဖို့ နားလည်ဖို့ပဲ ဖြစ်ပါတယ်။ ဒါဟာ အနာဂတ်ကမ္ဘာ အတွက် ငြိမ်းချမ်းရေးဆီကို ဦးတည်တဲ့ ပညာရေးထဲက ရေသောက်မြစ်တခုလည်း ဖြစ်ပါတယ်။ ကမ္ဘာနိုင်ငံအတော်များများဟာ မူလတန်းပညာရေးကစပြီး ကလေးတွေဆီမှာ ‘စရိုက်အမူအယာကောင်းရှိအောင် တည်ဆောက်ပေးဖို့’၊ ‘မိသားစုစိတ်ဓါတ်ဆိုတာကို နားလည်အောင် သင်ကြားပေးဖို့’၊ ‘ကျောင်းဝန်းကျင်မှာ ပျော်ရွှင်ဖို့’၊ ‘လူမှုဆက်ဆံရေးမှာ အဆင်ပြေဖို့’၊ ‘နိုင်ငံချစ်စိတ်နဲ့ သစ္စာရှိမှုတွေကို နားလည်ဖို့’ ဆိုတဲ့ အချက်တွေကို ရည်မှန်းပြီး Character building, Bonding with family, Sense of belonging to school, Being part of society, National part and loyalty ဆိုတဲ့ ဦးတည်ချက်တွေကို အခြေခံပြီး စာရိတ္တပညာ (Moral Education) သင်ရိုးကို ရေးဆွဲကြတာ တွေ့ရပါတယ်။

အထူးသဖြင့်တော့ ပညာသင်စ မူလတန်းအရွယ်ကလေးများဟာ အနိဋ္ဌာရုံဆန်တဲ့ အဖြစ်အပျက်တွေ၊ အဆိုးမြင်သဘောထားတွေနဲ့ မထိတွေ့သင့်ဘူးဆိုတဲ့ မူ ထားရှိတာပါပဲ။ အရှေ့တိုင်းရော အနောက်တိုင်းမှာပါ ယဉ်ကျေးမှုပုံစံတွေ ကွဲပြားပေမဲ့ ကလေးတွေရဲ့ ပညာရေးအတွက် ထားရှိတဲ့ ရည်ရွယ်ချက်တွေကတော့ အတူတူပဲ ဖြစ်ပါတယ်။

မြန်မာနိုင်ငံနဲ့ အနီးဆုံးဖြစ်တဲ့ အိန္ဒိယနိုင်ငံ၊ ထိုင်းနိုင်ငံနဲ့ စင်္ကာပူနိုင်ငံတွေဟာလည်း စာရိတ္တပညာ သင်ခန်းစာတွေကို ဒီ ရည်ရွယ်ချက်ဘောင်ထဲကပဲ ရေးဆွဲထားတာပါ။ ဒီနေရာမှာ တူညီတဲ့ သင်ရိုးအညွှန်းဘောင်ထဲကနေ ကိုယ့်နိုင်ငံ ကိုယ့်လူမျိုးနဲ့အလိုက် စာပေယဉ်ကျေးမှု အနုပညာတွေ၊ ရိုးရာဓလေ့ထုံးစံတွေ၊ မိသားစု စံတန်ဖိုးတွေကို သင်ပေးသလိုပဲ လူမျိုး၊ ဘာသာစကား၊ကိုးကွယ်ယုံကြည်မှု မတူသူတွေနဲ့ အဆင်ပြေပြေ လိုက်လျောညီထွေဖြစ်အောင် နေထိုင်ပုံတွေကိုလည်း သင်ပေးပါတယ်။ အဲလိုပဲ ကိုယ့်နိုင်ငံရဲ့ သမိုင်းကြောင်းတလျှောက်က လေးစားအတုယူဖွယ် ပုဂ္ဂိုလ်တွေရဲ့ အတ္ထုပ္ပတ္တိတွေကိုလည်း သင်ခန်းစာအဖြစ် ပြဌာန်းပြီး သင်ကြားပေးကြတာပါပဲ။

အဲလို သင်ကြားရာမှာလည်း သင်ခန်းစာတွေဟာ ကာတွန်းတွေ၊ ပန်းချီကားတွေ၊ ပုံပြင်တွေ၊ သီချင်းတွေအဖြစ်နဲ့ စိတ်ဝင်စားစရာဖြစ်အောင် စီစဉ်ဖန်တီးပေးထားတာမို့လို့ ကလေးတွေအတွက်ရော ဆရာဆရာမတွေအတွက် ပါ မပင်ပမ်းဘဲနဲ့ အလွယ်တကူ သင်ယူတတ်မြောက်ပြီးသား ဖြစ်သွားစေတာပါ။

တကယ်ကတော့ မြန်မာနိုင်ငံပညာရေးထဲမှာလည်း ကလေးတွေ စာသင်သားတွေကို စိတ်ပိုင်းဆိုင်ရာ စာရိတ္တပိုင်းဆိုင်ရာတွေမှာ ဖွံ့ဖြိုးအောင် လမ်းပြနိုင်တဲ့ ပုံပြင်တွေ၊ ယဉ်ကျေးမှုတွေ၊ သီချင်းကဗျာတွေက လူမျိုးစုတိုင်းမှာ အထင်ကရ ရှိနေပြီးသားပါ။ သူ့နယ်ပယ်ဒေသ လိုအပ်ချက်အလိုက် ကောက်ယူ ရွေးချယ် ပြဋ္ဌာန်းရုံပါပဲ။ အဲဒီလိုပဲ မြန်မာနိုင်ငံမှာ လူမျိုးစုတွေအချင်းချင်း ချစ်ခင်ရင်းနှီးကျွမ်းဝင်အောင်လည်း ကျောင်း ပညာရေးထဲက တဆင့်ပဲ သင်ကြားပေးရမှာပါ။ အဲဒီလိုပဲ ကလေးတွေအတွက် အတုယူစရာကောင်းတဲ့ ရှေ့ဆောင်လမ်းပြ သူရဲကောင်းတွေလည်း လူမျိုးစုတိုင်းမှာ အထင်အရှား ရှိနေတာပါ။ ဒါတွေကို စံပြပုဂ္ဂိုလ်တွေအဖြစ် ဂုဏ်ပြုဖော်ထုတ်ပြီး ကလေးတွေအတွက် လမ်းညွှန်ပေးရမှာ ဖြစ်ပါတယ်။

မြန်မာနိုင်ငံရဲ့ အာဏာပိုင်တွေကတော့ မူလတန်းပညာရေးထဲမှာတောင် ကလေးတွေနဲ့ မသက်ဆိုင်တဲ့ နိုင်ငံရေးဝါဒတွေကို မှိုင်းတိုက် သွပ်သွင်းနေတဲ့အပြင် ကျောင်းတွေမှာ ဗိုလ်ချုပ်အောင်ဆန်းအကြောင်း မသင်ရ၊ အာဇာနည်နေ့အကြောင်း အကျယ်တ၀င့် မရှင်းရ၊ နိုင်ငံ့သူရဲကောင်းတွေအကြောင်း မပြောပြရ၊ သမိုင်းဝင်အဖြစ်အပျက်များကို မပြောရဘူးလို့ ကန့်သတ်တားမြစ်ထားတာမျိုးတွေဟာ ကလေးတွေ ကျောင်းသားတွေကို ဗိုလ်ချုပ်အောင်ဆန်းနဲ့တကွသော အာဇာနည်ကြီးများလို ပြည်သူလူထုကောင်းကျိုးကို လိုလားတဲ့၊ တိုင်းပြည်အပေါ် သစ္စာစောင့်သိတဲ့၊ ကိုယ်ကျိုးစွန့် အနစ်နာခံတဲ့ သတ္တိမျိုးတွေ ရှိမလာအောင် ပုံသွင်းယူနေတာနဲ့သာ တူနေပါတယ်။ ဒါဟာ ကလေးတွေရဲ့ အနာဂတ်အတွက်တော့ အဆိပ်အတောက် ပညာရေးပဲ ဖြစ်ပါတယ်။

မေငြိမ်း
၂၀၀၇။

စစ်အစိုးရနဲ့ ပညာရေးအကျပ်အတည်း

မြန်မာနိုင်ငံဟာ ခေတ်အဆက်ဆက်မှာ နိုင်ငံရေးအခြေအနေ မတည်ငြိမ်မှုတွေကြောင့် ပညာရေး ကဏ္ဍမှာ သင်ရိုးညွှန်းတမ်းပုံစံ၊ သင်ကြားနည်းစနစ်တွေ တည်ငြိမ်မှု မရှိခဲ့သလို အာဏာပိုင်တွေက ကျောင်းသားတွေကို အစမ်းသပ်ခံလို သဘောထား ပြီး နိုင်ငံရေးအရ ပုံစံသွင်းတာမျိုးကို ခုချိန်ထိ တွေ့နေရဆဲပါ။

မြန်မာနိုင်ငံဟာ ၁၉၆၂ခုနှစ် ကနေ ၁၉၇၄အထိကို အကြွင်းမဲ့ စစ်အုပ်ချုပ်ရေးနဲ့ အုပ်ချုပ်ခံခဲ့ရပြီးတော့ ၁၉၇၄ခုနှစ်ကနေ ၁၉၈၈ခုနှစ်ထိကိုတော့ အခြေခံဥပဒေနဲ့ ပြဌာန်း အတည်ပြုထားတဲ့ အာဏာရှင်စနစ် (Constitutional Dictatorship) နဲ့ အုပ်ချုပ်တာကို ခံခဲ့ရတာ ဖြစ်ပါတယ်။ ၁၉၆၂ မတ်လ၂ရက်မှာ ဗိုလ်ချုပ်နေ၀င်းက အာဏာသိမ်းပြီး တော်လှန်ရေးကောင်စီအနေနဲ့ မြန်မာ့ဆိုရှယ်လစ်လမ်းစဉ်ကို ကြေငြာ ခဲ့ပြီးတဲ့နောက် ပညာရေး ပြုပြင်ပြောင်းလဲမှုတွေ စလုပ်လာခဲ့ပါတယ်။ အဲဒီအတွက် ၁၉၆၂ ဧပြီလ-၃၀ရက်နေ့ မှာပဲ ပညာရေး မူဝါဒအသစ်ကို ချမှတ်ရာမှာ

တော်လှန်ရေးကောင်စီသည် အသက်မွေးဝမ်းကြောင်းမှုနှင့် မကိုက်ညီသော လက်ရှိ ပညာရေး စနစ်ကို ပြုပြင်ပြောင်းလဲရမည်ဟု ယုံကြည်သည်။ တော်လှန်ရေးကောင်စီသည် ဆိုရှယ်လစ် စိတ်ဓါတ်ကို အခြေခံသည့် အသက်မွေးဝမ်းကြောင်းမှုနှင့် ကိုက်ညီသော ပညာရေးစနစ်တစ်ရပ်ကို ဖေါ်ဆောင်၍ သိပ္ပံပညာကို ဦးစားပေးမည်။

လို့ ဖော်ပြခဲ့ပါတယ်။

အဲဒီနောက်ကစပြီး တော်လှန်ရေးအစိုးရဟာ ကျောင်းပညာရေးထဲမှာ မြန်မာ့နည်း မြန်မာ့ဟန် ဆိုရှယ်လစ်ဝါဒ ဆိုတာကို ရိုက်သွင်းလာခဲ့ပါတယ်။ အဲဒီ နောက်ပိုင်း ဘာသာရပ်တွေ သင်ရိုးတွေ အများစုဟာ ဗိုလ်ချုပ်နေ၀င်းအလိုကျ သင်ခန်းစာတွေကိုသာ ပြဌာန်းရပါတယ်။ အထူးသဖြင့် မြန်မာစာဘာသာရပ်၊ မြန်မာ့ပထ၀ီဝင်ဘာသာရပ် နဲ့ မြန်မာ့သမိုင်းဘာသာရပ်တွေမှာ မြန်မာ့ဆိုရှယ်လစ်လမ်းစဉ်ပါတီကို အမွှန်းတင် တဲ့ အယူအဆတွေ၊ အချက်အလက်တွေကို ဖန်တီး ထည့်သွင်းလာပါတယ်။ အဲဒီအခါ ကျောင်းသားတွေဟာ ကျောင်းသင်ခန်းစာထဲကနေ ရရမယ့် အတုယူလိုက်နာ ကျင့်ကြံစရာတွေအနေနဲ့ အမိန့်နာခံတတ်အောင် ပုံသွင်းတဲ့ စာပေ အမျိုးအစားတွေကိုသာ သင်ယူနေခဲ့ကြရပါတယ်။

ကျောင်းသားတွေ လူငယ်တွေဟာ ပညာရေးထဲက သိသင့်သိထိုက်တဲ့ ကိုယ့်နိုင်ငံရဲ့ သမိုင်းကြောင်းတွေ မျက်မှောက်အခြေအနေ အချက်အလက်တွေကိုတောင်မှ အမှန်အတိုင်း သိခွင့်မရတာမို့ အဲဒီကာလတွေ အတွင်းက လူငယ်တွေဟာ အသိဥာဏ်ပညာ ဗဟုသုတ ချို့ချို့တဲ့တဲ့နဲ့ ကြီးပြင်းခဲ့ကြရပါတယ်။ အဲဒါဟာ အဲဒီ လူငယ်မျိုးဆက်သစ်တွေကို အားပြုပြီး တည်ဆောက်ရမယ့် နိုင်ငံတနိုင်ငံရဲ့ အနာဂတ်ကိုပါ ချို့တဲ့သွားစေတဲ့ အချက်ပါပဲ။ ဒါပေမဲ့ အဲဒီတုန်းက ကျောင်းဆရာ ဆရာမတွေရဲ့ တဦးချင်း တာဝန်ကျေမှု အပေါ်လိုက်ပြီး စာသင်သားတွေဟာ တကယ်သိသင့်သိထိုက်တဲ့ ကိုယ်ကျင့်တရားဆိုင်ရာ အကြောင်းအရာတွေနဲ့ သမိုင်း အချက်အလက် အမှန်တွေကို သိခွင့်ရနိုင်ခဲ့ကြတာမျိုးတော့ ရှိခဲ့ပါသေးတယ်။

ဒီကနေ့ ဇူလိုင်လ ၁၉ရက်နေ့ဟာ မြန်မာနိုင်ငံကို ကိုလိုနီနယ်ချဲ့လက်အောက်က လွတ်အောင် အသက်စွန့် ကြိုးပမ်းခဲ့ကြသူတွေဖြစ်တဲ့ ဗိုလ်ချုပ်အောင်ဆန်းနဲ့တကွသော သူရဲကောင်းခေါင်းဆောင်ကြီးတွေ လုပ်ကြံခံခဲ့ ရတဲ့ အာဇာနည်နေ့ ဖြစ်ပါတယ်။ ၁၉၈၈ မတိုင်ခင်က ခုလို အာဇာနည်နေ့ကျရောက်တဲ့ ဇူလိုင်လ ရောက်ပြီ ဆိုရင် ကျောင်းတွေမှာ အာဇာနည်နေ့အထိမ်းအမှတ် စာစီစာကုံးပြိုင်ပွဲတွေ ကဗျာပြိုင်ပွဲတွေ ပန်းချီပြိုင်ပွဲတွေ အာဇာနည်နေ့အကြောင်းနဲ့ အာဇာနည်ကြီးတွေ အကြောင်း ဟောပြောပွဲတွေ ကျင်းပ ပေးကြပါတယ်။

ပြီးတော့ စာသင်ခန်းတွေထဲမှာလည်း သင်ခန်းစာတွေနဲ့ ဆက်စပ်ပြီး ဆရာဆရာမတွေက အာဇာနည်ကြီး တွေရဲ့ လေးစားစရာ အတုယူစရာ ဂုဏ်ရည် တွေကို ကလေးတွေ လူငယ်တွေ သိအောင် ပြောပြကြတာ ကလည်း အစဉ်အလာတခုအဖြစ် ရှိခဲ့တာပါ။ အဲဒီအပြင် အာဇာနည်နေ့မှာဆိုရင် ဆရာဆရာမတွေက ဦးဆောင်ပြီးတော့ ကျောင်းသားတွေကို အာဇာနည်ဗိမာန်နဲ့ တာဝါလိမ်းလမ်း က ဗိုလ်ချုပ်နေထိုင်ခဲ့တဲ့ အိမ်ကို သွားပြီး စနစ်တကျ စီတန်း အလေးပြုဖို့ စီစဉ်ပေးတာတွေ ရှိပါတယ်။ အဲဒီလို အာဇာနည်နေ့ကို အထူးဂရုပြုပေးတဲ့ အကျိုးဆက်ကတော့ ကျောင်းသားတွေအတွက် အာဇာနည်သူရဲကောင်းတွေကို လေးစား ရကောင်းမှန်း သိလာစေပါတယ်။ ပြီးတော့ အဲဒီ အာဇာနည်ကြီးတွေလို ကိုယ်ကျင့်တရားကောင်းအောင် တိုင်းပြည်အကျိုး ဆောင်ရွက်ချင်လာအောင် အားထုတ်ချင်စိတ်တွေ ပေါ်ပေါက်လာစေနိုင်ပါတယ်။ ဒါဟာ ကိုယ့်နိုင်ငံရဲ့ အနာဂတ်အတွက် နိုင်ငံ့အကျိုးကို လိုလားတတ်မယ့် မျိုးဆက်သစ်တွေကို မွေးထုတ်ရာ လည်း ရောက်ပါတယ်။

၁၉၈၈ နောက်ပိုင်းမှာတော့ စစ်အစိုးရဟာ ပညာရေးကဏ္ဍထဲကို မဆလအစိုးရ လက်ထက်တုန်းကထက်ပိုပြီး ထဲထဲဝင်ဝင် စွက်ဖက်လာပါတယ်။ သူတို့ရဲ့ ၀ါဒဖြန့်စာတွေ သင်ကြားစေတာမျိုးအထိ ၀င်ရောက် ချယ်လှယ် တဲ့အပြင် သင်ကြားရေးပိုင်းမှာလည်း အခြေခံပညာကနေ တက္ကသိုလ်ပညာရေးနယ်ပယ်အထိ ကန့်သတ် တားမြစ်တာမျိုးတွေ လုပ်လာပါတယ်။ 'ဗိုလ်ချုပ်အောင်ဆန်းအကြောင်း မပြောရ'၊ 'သခင်ကိုယ်တော်မှိုင်း အကြောင်း မပြောရ'။ 'မင်းကျင့်တရားဆယ်ပါးအကြောင်း မသင်ရ' ဆိုတာမျိုးတွေကို အမိန့်ပေးလာပါတယ်။ ဘွဲ့ယူကျမ်းတွေ စာတမ်းတွေမှာ 'ဗိုလ်ချုပ်အကြောင်း၊ သခင်ကိုယ်တော်မှိုင်းအကြောင်း မရေးရ' ဆိုတာမျိုးတွေ လုပ်လာ ပါတယ်။ ၂၀၀၅ခုနှစ်မှာတော့ စာသင်ရင်းနဲ့ ဗိုလ်ချုပ်အကြောင်းပြောပြီး ကျောင်းသားတွေနဲ့အတူ ဗိုလ်ချုပ်ဓါတ်ပုံကို အလေးပြုခဲ့တဲ့ ကျူရှင်ဆရာ ဦးအောင်ဖေကို ဖမ်းပြီး ထောင်ချတဲ့အထိတောင် လုပ်လာ ပါတယ်။

စစ်အစိုးရရဲ့ အဲဒီလုပ်ရပ်တွေဟာ ကျောင်းသားတွေအတွက် အရေးပါလှတဲ့ ပညာရေးနယ်ပယ်ထဲက သမိုင်းဆိုင်ရာ အချက်အလက်တွေကို ကန့်သတ်တားမြစ်ရုံသာမက အဲဒီ အချက်အလက်တွေကို တာဝန်သိသိနဲ့ ပို့ချ သင်ကြားပေးတဲ့ ဆရာကိုပါ ပြင်းပြင်းထန်ထန် အရေးယူတာမျိုးလုပ်လာတာဟာ ပညာရေးလွတ်လပ်ခွင့်နဲ့ ပညာရှင်လွတ်လပ်ခွင့်တွေကို ပေါ်ပေါ်ထင်ထင် ချိုးဖောက်လိုက်တာပဲ ဖြစ်ပါတယ်။ အဲသလို ပညာရေး လွတ်လပ်ခွင့်ကို ချိုးဖောက်နေတဲ့ အစိုးရတစ်ရပ်ရဲ့ လက်ထဲမှာ ဘယ်လိုမှ ဒီမိုကရေစီပညာရေးစနစ် မထွန်းကားနိုင်ဘူးဆိုတာကို မိဘပြည်သူများ ဆရာဆရာမများနဲ့ ကျောင်းသူကျောင်းသားများ သတိပြုမိ စေချင်ပါတယ်။

တောင်းယူရမယ့် အခွင့်အရေး

ပြီးခဲ့တဲ့ တပတ်မှာ ကျောင်းသားအခွင့်အရေး ဆုံးရှုံးမှုတွေကို တောင်းဆိုတာ ကြောင့် အာဏာပိုင်နဲ့ ကျောင်းသားတွေကြား ပဋိပက္ခဖြစ်ရတာတွေနဲ့ ပတ်သက်ပြီး မြန်မာနိုင်ငံ ပညာရေးလောကမှာ အထင်အရှား ဖြစ်ပျက်ခဲ့တဲ့ ၇ဇူလိုင် အရေးအခင်းနဲ့ ကိုးရီးယားနိုင်ငံ မှာ ၁၉၈၀ တုန်းက ဖြစ်ပျက်ခဲ့တဲ့ အဓိကရုဏ်း ပြဿနာ တွေကို တင်ပြခဲ့ပါတယ်။ မြန်မာနိုင်ငံကတော့ အဲသည် ၁၉၆၂ ဇူလိုင်၇ရက်နေ့ကစပြီး ဒီနေ့ထက်ထိအောင် ကျောင်းသားဆိုင်ရာ အခွင့်အရေးတွေ မရသေးတဲ့အပြင် ပညာရှင်တွေအတွက်လည်း လွတ်လပ်ခွင့်တွေ ထိုက်တန်တဲ့ နေရာဌာနတွေ လုပ်ပိုင်ခွင့် တွေ မရသေးပါဘူး။

မြန်မာနိုင်ငံမှာ ထူးချွန်ထက်မြက်တဲ့သူတွေ ပညာတော်သင်ဆု ခံစားရတာမျိုးတွေ ရှိခဲ့ပေမဲ့ ပညာသင်ပြီးလို့ မြန်မာနိုင်ငံက မိခင်ဌာနကို ပြန်လာတဲ့အခါမှာတော့ အဲဒီပညာရှင်တွေဟာ သူတို့တတ်ကျွမ်းလာတဲ့ပညာကို သေသေချာချာ အသုံးချခွင့် ဖြန့်ဝေခွင့်မရတာတွေကို ကြုံကြရပါတယ်။ ပညာရှင်တွေ သင်ယူလေ့လာခဲ့တဲ့ ပညာတွေဟာ မြန်မာနိုင်ငံမှာ အသုံးချစရာနေရာမရှိဖြစ်နေသလို အဲဒီပညာတွေကို ဖြန့်ဝေဖို့အတွက် လိုအပ်သမျှတွေကိုလည်း အာဏာပိုင်တွေဘက်က ဖြည့်ဆီးပေးတာမျိုး မရှိပါဘူး။ ပညာရှင်တွေဟာ ချောင်ထိုးခံရသလို ဖြစ်နေရပါတယ်။ ဒါဟာ ပညာရှင် အများစုကြီး ပြည်ပနိုင်ငံတွေဆီ ထွက်လာကြခြင်းရဲ့ အကြောင်းတချက်ပဲ ဖြစ်ပါတယ်။

တောင်ကိုရီးယားနိုင်ငံကတော့ ပညာရေးကို အသေအချာ ထူထောင်နေတာမို့ ၁၉၇၀ခုနှစ်တွေကတည်းက အမေရိကန်နိုင်ငံတ၀ှမ်းက ဟားဗတ်တက္ကသိုလ်၊ ကောနဲလ် တက္ကသိုလ်၊ ဘာကလေ တက္ကသိုလ်၊ ကိုလံဘီယာ တက္ကသိုလ်၊ အီလီနွိုက်တက္ကသိုလ်လို အောင်မြင်ကျော်ကြားတဲ့ တက္ကသိုလ်ကြီးတွေမှာ ပညာသင်ဖို့ ပညာတော်သင်တွေ ရာနဲ့ချီပြီး စေလွှတ်သင်ကြားစေခဲ့တာပါ။ ပညာတော်သင် အစီအစဉ် တသုတ် တသုတ်ကို လူ၃၀၀ကျော်အထိ စေလွှတ်တာပါ။ အဲလိုပဲ ကနေဒါနိုင်ငံ တရုတ်နိုင်ငံ နဲ့ ဂျပန်နိုင်ငံတွေကိုလည်း ပညာတော်သင်တွေ အမြောက်အများ စေလွှတ်ပါတယ်။ ပြီးတော့ နိုင်ငံတကာ ပညာရှင်တွေရဲ့ တွေ့ဆုံဆွေးနွေး အဖြေရှာကြတဲ့ ဆွေးနွေးပွဲတွေ ဖိုရမ်တွေကိုလည်း တောင်ကိုရီးယားက ပညာရှင်တွေ ပါဝင်တက်ရောက် ဆွေးနွေးခွင့် ရကြပါတယ်။

အဲလို နိုင်ငံတကာနဲ့ ရင်ပေါင်တန်းဆွေးနွေးခွင့်တွေ ရတဲ့အတွက် နောက်ဆက်တွဲ အကျိုးကျေးဇူးကတော့ အဲဒီပညာရှင်တွေဟာ သူတို့ရလာတဲ့ အသိပညာ ဗဟုသုတတွေကို ကိုယ့်နိုင်ငံပညာရေးအတွက် ပြန်ပြီး ဖြန့်ဝေ အသုံးချနိုင်တာမို့ တောင်ကိုရီးယားနိုင်ငံဟာ အနှစ်နှစ်ဆယ်ကျော်အတွင်းမှာ စံမီသိပ္ပံနဲ့ နည်းပညာ ဆိုင်ရာ တီထွင်ထုတ်လုပ်မှုတွေနဲ့အတူ အဘက်ဘက်ကတိုးတက်နေတဲ့ စံမီနိုင်ငံအဖြစ်ကို ရောက်ရှိလာတာပဲ ဖြစ်ပါတယ်။ ကမ္ဘာ့ပညာခေတ်၊ နည်းပညာခေတ်မှာ တောင်ကိုရီးယားနိုင်ငံဟာ ပညာရေးနဲ့ သိပ္ပံနည်းပညာကို အားပြုပြီးတော့ ပညာရှင်တွေရဲ့ အကြံဥာဏ်တွေကိုအသုံးချပြီး နိုင်ငံကို ကြိုးပမ်းတည်ဆောက်နေတာမို့လို့ လည်း ပညာကို အခြေခံပြီး ဆင့်ပွားသွားတဲ့ စီးပွားရေး အဆင့်အတန်း လူမှုရေး အဆင့်အတန်းတွေမှာပါ တိုးတက်ဖွံ့ဖြိုးလာတာ ဖြစ်ပါတယ်။

မြန်မာနိုင်ငံမှာကတော့ ရာထူးအနေအထား မြင့်တယ်လို့ ဆိုနိုင်တဲ့ ပါမောက္ခတွေတောင် အတော်များများက နိုင်ငံတကာ ပညာရပ်ဆိုင်ရာ ပညာတော်သင် အစီအစဉ် တွေ၊ နိုင်ငံတကာ အဆင့်မီ ပညာရပ်ဆိုင်ရာ ဆွေးနွေးပွဲတွေ မတက်ဖူးကြပါဘူး။ ပညာရေးဝန်ထမ်းတွေဟာ ကျောင်းတွေမှာ သင်ကြားရေးတွေ စာမေးပွဲလုပ်ငန်းစဉ်တွေနဲ့သာ အချိန်ကုန်ပင်ပမ်းနေကြရတာမို့ ကျောင်းအလိုက် ဌာနဆိုင်ရာအလိုက် စာတမ်းဖတ်ပွဲတွေတောင် ပုံမှန်မလုပ်နိုင်ကြပါဘူး။ အဲဒီအခါ နိုင်ငံတကာ အဆင့်ထိအောင် အမြင်ကျယ်ပြောတဲ့ အတွေ့အကြုံ ဗဟုသုတကိုလည်း စိတ်မ၀င်စားကြတော့ပါဘူး။ အဲဒီအခါ မြန်မာနိုင်ငံက ပညာရှင်တွေဟာ ကမ္ဘာ့အဆင့်မီ ပညာရှင်တွေရဲ့ တန်ဖိုးနဲ့ ရသင့်ရထိုက်တဲ့ အခွင့်အရေးတွေကိုတောင် မတောင်းဆိုကြ တော့ပါဘူး။ အဲဒီအပြင် ကိုယ်ရသင့်တဲ့ အခွင့်အရေးကို တောင်းဆိုကြတဲ့ ကျောင်းသားတွေကိုတောင် အုပ်ချုပ်သူ အာဏာပိုင်တွေအလိုကျ ဟန့်တားတာတွေ၊ တင်းတင်းမာမာ ချုပ်ကိုင်တာတွေ အမျိုးမျိုး လုပ်လာပါတယ်။

ဒါပေမဲ့ ကျောင်းသားတွေ ရသင့်တဲ့ အခွင့်အရေးကျတော့ သာမန် အခွင့်အရေးလေးတွေလောက်ကိုတောင် ပညာရေးအာဏာပိုင်တွေဘက်က ဖြည့်ဆည်းပေးတာ၊ လိုက်လျောတာမျိုး မရှိပါဘူး။ ပိုဆိုးတာက ဆရာဆရာမကြီးတွေက နိုင်ငံအာဏာပိုင် မတရားအစိုးရအလိုကျ တသွေမတိမ်း လုပ်ပေးနေတဲ့ ပြဿနာပါပဲ။ ကိုယ့်ကျောင်းသား တွေအတွက် ကမ္ဘာ့အဆင့်မီ ပညာရေးကို ရအောင် ဆရာဆရာမတွေကတောင် ဦးဆောင် တောင်းယူ ဖန်တီးပေးသင့်တာပါ။ ခုကတော့ အခြေခံပညာရေးကနေစလို့ ပါရဂူတန်းတွေအထိ အရည်အချင်း မပြည့်မီဘဲ အတန်းတင်တာမျိုး ဘွဲ့ပေးတာမျိုးတွေ လုပ်ပေးနေတာဟာ သမိုင်းပါရဂူ ဆရာကြီး ဒေါက်တာသန်းထွန်းစကားနဲ့ပြောရရင် အဆိပ်ပင် ရေလောင်း နေတဲ့ ကိစ္စတွေပါပဲ။

နိုင်ငံတကာမှာကတော့ ပညာရေးပညာရှင်ဆိုတာဟာ ခေတ်မီနေတဲ့ ကမ္ဘာနဲ့ အညီ ရင်ပေါင်တန်းလိုက်နိုင်တဲ့၊ နိုင်ငံတကာအတွေ့အကြုံနဲ့ မစိမ်းတဲ့သူတွေပါ။ ပညာရှင်တွေဟာ ကိုယ့်နယ်ပယ် ကိုယ့်ပညာရပ်တွေမှာ လုပ်ပိုင်ခွင့် အပြည့်ရရသလို ကိုယ့်ကျောင်းသားရဲ့ ကံကြမ္မာကိုလည်း အပြည့်အ၀ ဖန်တီးပေးနိုင်ကြပါတယ်။ ပညာရှင် တွေအနေနဲ့ စာသင်ကြားရေးနဲ့ ပညာရပ်ဆိုင်ရာ သုတေသန လုပ်ငန်းတွေကို အခြေအနေ အချိန်ခါအရရော ငွေကြေးအရပါ တွဲဖက် လုပ်သွားနိုင်ပါတယ်။ ဒါကြောင့် ပညာရှင်တွေရဲ့ ပညာရပ်ပိုင်း ဆိုင်ရာကိုပါ အစဉ်အမြဲ တိုးတက်နေစေနိုင်ပါတယ်။ ဒါဟာ ပညာရှင်တွေ ရရမယ့် ပုံမှန် အခွင့်အရေးဖြစ်သလို ပညာရပ်တွေနဲ့ ပတ်သက်ဆက်နွယ် နေတဲ့ သူတိုင်း ရနိုင်တဲ့ ရရမယ့် အခွင့်အရေးလည်း ဖြစ်ပါတယ်။

နိုင်ငံတနိုင်ငံဟာ ပညာရှင်တွေ ကျောင်းသားတွေနဲ့ ဖွဲ့စည်းထားတဲ့ ပညာရေး စနစ်ကြီးထဲမှာမှ ရသင့်ရထိုက်တဲ့ အခွင့်အရေးတွေ ဆုံးရှုံးနေတယ်ဆိုရင်၊ အရည်အသွေးတွေကို အဖျက်ဆီးခံနေရတယ်ဆိုရင် အဲဒီနိုင်ငံရဲ့ အနာဂတ်ဟာ ဘယ်လိုမှ တိုးတက်ဖွံ့ဖြိုး မလာနိုင်တော့ပါဘူး။ ဒါကြောင့်ပဲ ခေတ်တခေတ်ကို ကောင်းအောင် ပြုပြင်ရမယ့်တာဝန်ရှိတဲ့ ပညာရှင်တွေ ကျောင်းသားတွေကသာ ခေတ်ရဲ့ အပြောင်းအလဲကို ဦးဆောင်ကြ ရတယ်ဆိုတာ တရုတ်နိုင်ငံ ကိုရီးယားနိုင်ငံတွေက အနီးဆုံး သက်သေတွေပါပဲ။ မြန်မာနိုင်ငံမှာလည်း ၇ဇူလိုင်က သက်သေပါပဲ။ ၈လေးလုံး အရေး တော်ပုံကြီးက သက်သေပါပဲ။ အနည်းဆုံးတော့ ပညာရှင်ဆရာ ဆရာမကြီးတွေ ကျောင်းသားကျောင်းသူတွေဟာ ကိုယ့်နိုင်ငံအနာဂတ်အတွက်လို့ မျှော်ရည်ပြီး မိမိတို့ ရသင့်ရထိုက်တဲ့ အခွင့်အရေးတွေကို တောင်းဆို အရယူသင့်ပြီဖြစ်ပါတယ်။

မေငြိမ်း(၂၀၀၇)

ကျောင်းသားအခွင့်အရေးကိစ္စ

မြန်မာနိုင်ငံရဲ့ ပညာရေးကဏ္ဍအပါအ၀င် နေရာအတော်များများ ယိုယွင်းပျက်စီး လာနေရတဲ့ အကြောင်းရင်း တွေထဲမှာ အာဏာပိုင်တွေက အကျိုးအကြောင်း ခိုင်ခိုင်လုံလုံနဲ့ တောင်းဆိုတဲ့ လိုအပ်ချက်တွေကို လိုက်လျော မပေးဘဲ အင်အား သုံးဖြေရှင်းလိုက်တာတွေကလည်း ပြဿနာတစ်ခုပဲ ဖြစ်ပါတယ်။ တရုတ်ပြည်နဲ့ ရုရှနိုင်ငံ ကတော့ အာဏာရှင် နိုင်ငံဖြစ်ပေမဲ့ သူ့နိုင်ငံရဲ့ ပညာရေးကိုတော့ ခေတ်မီအောင် အစွမ်းကုန် လိုက်လျော ဖြည့်ဆီးတဲ့ နိုင်ငံတွေဖြစ်တယ်ဆိုတာကို ပြီးခဲ့တဲ့ အပတ်တွေက ပြောပြခဲ့ ပြီးဖြစ်ပါတယ်။

တကယ်တော့ မြန်မာနိုင်ငံမှာ အာဏာရှင်ဆန်ဆန် အုပ်ချုပ်ပြီး ပညာရှင်တွေကို နေရာ မပေးဘဲ ပညာရေးကို ဖိနှိပ်ထားတာဟာ ၁၉၆၂ ကတည်းကပါပဲ။ ၁၉၆၂ မတ်လ ၂ရက် နေ့မှာ ၀န်ကြီးချုပ် ဦးနုလက်ထဲက နိုင်ငံအာဏာကို ဗိုလ်ချုပ်နေ၀င်းက သိမ်းယူလိုက်ပြီး တဲ့နောက် ၁၉၆၂ ဇူလိုင်၎ရက်နေ့မှာ တက္ကသိုလ်အတွက် တင်းကျပ်တဲ့ ဥပဒေသစ်တွေ ထုတ်ပြန်ပါတယ်။ ကျောင်းအုပ်ချုပ်ရေးပိုင်းကို အစိုးရအနေနဲ့ ၀င်ရောက် စွက်ဖက်ပြီး ကျောင်းသားအခွင့်အရေးတွေကို ကန့်သတ် တားမြစ်တာတွေ လုပ်လာပါတယ်။ အဲဒီကမှတဆင့် ကျောင်းသားသမဂ္ဂကို ဖျက်သိမ်းဖို့ အမိန့်ထုတ်ရာကစပြီး ကျောင်းသားတွေက ကျောင်းသား အခွင့်အရေး တောင်းဆိုလာကြရတော့တာပါ၊ အဲသည်တုန်းက ရန်ကုန်တက္ကသိုလ် ကျောင်းသားတွေဟာ လွတ်လပ်တဲ့ အမျိုးသားပညာရေးကို တောင်းဆို ခဲ့တာ ဖြစ်ပါ တယ်။

အဲဒီတောင်းဆိုမှုကို အဆင့်ဆင့် တားမြစ်ရာကနေ ၁၉၆၂ခုနှစ် ဇူလိုင်လ ၇ရက် နေ့မှာတော့ သမိုင်းဝင် သမဂ္ဂ အဆောက်အဦးကြီးကို အာဏာပိုင်တွေက ဖောက်ခွဲ ဖြိုချ လိုက်ပြီး ရသင့်ရထိုက်တဲ့ ပညာရေးဆိုင်ရာ အခွင့်အရေးတွေကို အေးချမ်းစွာ တောင်းဆိုကြတဲ့ ကျောင်းသားတွေကို သေနတ်နဲ့ ပစ်ခတ် သတ်ဖြတ် ခဲ့ပါတယ်။ အဲဒီမှာ ကျောင်းသား၁၅ဦး သေဆုံးပြီး ၂၇ယောက်ဒဏ်ရာရတယ်လို့ အစိုးရ သတင်းစာက ဖော်ပြပေမဲ့ တကယ်တမ်းမှာ ကျောင်းသား ၂၀၀ကျော် သေဆုံးခဲ့ရပြီး ဒဏ်ရာရသူတွေ အယောက် ၄၀၀ကျော် ရှိပါတယ်။ ပျောက်နေတာက အယောက် ၄၀ကျော်ရှိပါတယ်။ အဖမ်းခံခဲ့ရတာက ၂၁ယောက် ရှိပါတယ်။ အဲဒီ နောက်ပိုင်းမှာတော့ ဗိုလ်ချုပ်နေ၀င်း အစိုးရဟာ ပညာရေးလောကကို တောက်လျှောက် ချုပ်ကိုင်လာတာ ၁၉၈၈ ထိပါပဲ။ ၁၉၈၈ မှာ ကျောင်းသား ပြဿနာကနေ စတင်ခဲ့တဲ့ တနိုင်ငံလုံး အုံကြွမှုဖြစ်တော့လည်း ထောင်ချီ သောင်းချီတဲ့ လူထုကြီးကို ပစ်ခတ် သတ်ဖြတ် ခဲ့တာပါပဲ။ အဲဒီ ၈၈ရဲ့ နောက်ပိုင်း ကာလ တွေမှာတော့ နိုင်ငံအနေနဲ့ အဘက်ဘက်က ပိုပြီးတော့ ယိမ်းယိုင်လာခဲ့တာမှာ ပညာရေးကဏ္ဍရဲ့ ပျက်စီး ဆုတ်ယုတ်မှုကလည်း အထင်အရှားပဲ ဖြစ်ပါတယ်။

ဒီနေရာမှာ တောင်ကိုရီးယားနိုင်ငံအကြောင်းကို ပြောပြချင်ပါတယ်။ တောင်ကိုရီးယား နိုင်ငံဟာလည်း ၁၉၄၅ မှာ ရင်ဆိုင်ခဲ့ရတဲ့ အမေရိကန်နိုင်ငံရဲ့သိမ်းပိုက်မှုကို ခံရတဲ့ နောက်ပိုင်းကစပြီး၊ ၁၉၅၀ကနေ ၁၉၅၃ထိ ဖြစ်ပွားခဲ့တဲ့ တောင်ပိုင်း မြောက်ပိုင်း ပြည်တွင်းစစ်ဒဏ်ကြောင့်ရော၊ အာဏာရှင်ပုံစံ အုပ်ချုပ်ရေးကြောင့်ရော ၁၉၈၀ခုနှစ် တွေအထိ ပညာရေးမှာ တည်ငြိမ်မှု၊ ဖွံ့ဖြိုးတိုးတက်မှု၊ လွတ်လပ်မှု နဲ့ တန်းတူညီမျမှုတွေ မရှိခဲ့တဲ့ နိုင်ငံဖြစ်ပါတယ်။ ပညာရေးစရိတ် ကြီးမြင့်တာကြောင့် သာမန်လူတန်းစားတွေ ပညာမသင်နိုင်ပါဘူး။ ဒါကြောင့် သာမန်လူတန်းစားတွေဟာ အောက်ခြေဘ၀ကနေ မတက်နိုင်ကြဘဲ အထက်တန်းလွှာ လူတန်းစားကသာ ဓနရော ပညာကိုပါရတာမို့ အုပ်ချုပ်ရေးပိုင်းကိုလည်း အဲဒီ လူတန်းစားတွေကသာ အမြဲ ကြီးစိုးထားပါတယ်။

၁၉၈၀ခုနှစ် သမ္မတချန်ဒူးဝှမ် တက်လာပြီးနောက် မေလ ၁၇ရက်မှာတော့ ကုန်ဈေးနှုန်း ကြီးမြင့်မှု၊ လူတန်းစားကွာဟမှုနဲ့ ပညာရေးဆိုင်ရာ အကျပ်အတည်းတွေကြောင့် တောင်ကိုရီးယားနိုင်ငံ ဂွမ်ဂျူးမြို့မှာရှိတဲ့ ချိုနမ် အမျိုးသားတက္ကသိုလ်က ကျောင်းသား တွေက စပြီး အမျိုးသားပညာရေး ဒီမိုကရေစီပညာရေးကို တောင်းဆို ဆန္ဒပြခဲ့ကြ ပါတယ်။ အဲဒီ ဆန္ဒပြမှုကို တောင်ကိုရီးယား သမ္မတ ချန်ဒူးဝှမ်က စစ်တပ်ကို သုံးပြီး အကြမ်းဖက် နှိမ်နင်းတာကြောင့် ကျောင်းသားအများအပြား သေဆုံးဒဏ်ရာ ရခဲ့ပါတယ်။ အဲဒီအခါ ကျောင်းသားတွေဘက်ကို လူထု ၃ထောင်ကျော်ပါဝင် ပူးပေါင်းလာပြီး စစ်တပ်ကို ရရာ လက်နက်နဲ့ ပြန်ပြီးခုခံတဲ့အတွက် လူ နှစ်ရာကျော် သေဆုံးခဲ့ပါတယ်။ အဲဒီ နောက်ပိုင်း လူကိုးရာကျော်ကို ဖမ်းဆီင်္း ထောင်ချခဲ့ပါတယ်။

၁၉၈၈ နိုဝင်ဘာမှာတော့ အဲဒီ အပြစ်မဲ့သူတွေကို ဖမ်းဆီးသတ်ဖြတ်မှုတွေ နဲ့ တိုင်းပြည် ဘဏ္ဍာ အလွဲသုံးစားမှု တွေကြောင့် သမ္မတချန်ဒူးဝှမ်ကို ဖမ်းဆီးအရေးယူပြီး သေဒဏ် စီရင်ချက်ချ ခံခဲ့ရပါတယ်။ အဲဒီနောက်မှာ သမ္မတ ရိုတေ၀ူး အာဏာရပြီး စံမီ အမျိုးသား ပညာရေးကို စတင် ပြုပြင် တည်ဆောက် ခဲ့ပါတယ်။ အဲဒီနောက် ကင်မ်ရောင်ဆန်၊ ကင်ဒေးဂျုံကနေ အခု သမ္မတ ရိုမွန်ဟူး လက်ထက်ထိ ပညာရေးကို အားပေး တည်ဆောက် နေတာမို့ ခုချိန်မှာတော့ တောင်ကိုရီးယားဟာ ဖွံ့ဖြိုးတိုးတက်တဲ့ နိုင်ငံကြီး တနိုင်ငံ ဖြစ်နေတာကို တွေ့နေရပြီ ဖြစ်ပါတယ်။

တောင်ကိုရီးယားနိုင်ငံရဲ့ အဖြစ်အပျက်ဟာ မြန်မာနိုင်ငံအနေနဲ့ ဆင်ခြင်သုံးသပ်စရာပဲ ဖြစ်ပါတယ်။ နိုင်ငံ တနိုင်ငံရဲ့ အဆင့်အတန်းမြင့်မားဖို့အရေးဟာ အဲဒီနိုင်ငံရဲ့ ပညာရေး အဆင့်မြင့်မှုအပေါ် မူတည်တဲ့အပြင် အာဏာပိုင်အစိုးရရဲ့ အမြော်အမြင်ရှိမှုတွေ စေတနာထားမှုတွေပေါ်မှာ အများကြီး မူတည်တာပါ။ ၁၉၆၂ခုနှစ် ဇူလိုင်လ ၇ရက်နေ့ ကတည်းက ကျောင်းသားတွေရဲ့ သွေးမြေကျခံပြီး တောင်းဆိုခဲ့ရတဲ့ စံမီ အမျိုးသား ပညာရေးကို မရသေးတာဟာ ခုဆိုရင် ၄၅နှစ် တိုင်ခဲ့ပြီဖြစ်ပါတယ်။ ဒါကြောင့် ဒါကို သတိတရနဲ့ ဦးဆောင်ပြုပြင်ပေးဖို့ဟာ နိုင်ငံအာဏာပိုင်တွေနဲ့ ပညာရေး အာဏာပိုင်တွေရဲ့ အဓိက တာဝန်သာဖြစ်ပါတယ်။

မေငြိမ်း(၂၀၀၇။ဇူလိုင်)

မြန်မာနဲ့ ရုရှ

ပြီးခဲ့တဲ့ တပတ်မှာ နှိုင်းယှဉ် တင်ပြသွားခဲ့သလိုပဲ မြန်မာနိုင်ငံစစ်အစိုးရရဲ့ ပညာရေးအပေါ် ၀င်ပြီး စွက်ဖက် ချုပ်ကိုင်နေပုံက ကွန်မြူနစ်ခေတ် တရုတ်နိုင်ငံရဲ့ ပုံစံအတိုင်းပါပဲ။ လက်ရှိမှာလည်း တရုတ်အစိုးရဟာ ပညာရေးကဏ္ဍကို ခေတ်မီတိုးတက်အောင် အဘက်ဘက်က ပံ့ပိုးပေးနေပေမဲ့ တဘက်ကလည်း ပညာရေး စနစ်ထဲမှာ သင်ကြားမှု သင်ယူမှု နယ်ပယ်ထဲမှာ လွတ်လပ်မှုမရှိဘဲ တင်းတင်းကျပ်ကျပ် ကိုင်တွယ်ထားတာ၊ လာဘ်ပေးလာဘ်ယူ ရှိတာ၊ အစိုးရနဲ့ အဆင်ပြေရင် ပြေသလို အခွင့်အရေး ရတာ၊ အနောက်နိုင်ငံက ပညာရှင် တွေရဲ့ လာရောက်ပို့ချမှုတွေကိုတောင် ၀င်ရောက် စွက်ဖက် တားမြစ် ကန့်သတ်တာတွေ၊ ပြည်ပ ပညာတော်သင်တွေကို အမြောက်အများ ခွင့်ပြုထားပေမဲ့ သူတို့ နိုင်ငံရေးအာဏာနဲ့ ပတ်သက်ပြီး ဝေဖန် သုံးသပ်ထိပါး ရေးသားတာမျိုးကိုတော့ ချုပ်ချယ်ကန့်သတ်တာမျိုးတွေ ရှိနေတုန်းပါပဲ။

ဒါပေမဲ့ မျက်မှောက်ခေတ် တရုတ်နိုင်ငံဟာ စာသင်ခန်းလိုအပ်ချက်တွေ၊ ဆရာ ဆရာမတွေအတွက် လိုအပ်ချက်တွေ၊ သင်ကြားနည်းပညာပိုင်းဆိုင်ရာတွေနဲ့ ကျောင်းလိုအပ်ချက်တွေကိုတော့ နိုင်ငံတကာ စံချိန်မီ အောင် ဖန်တီးပေးထားပါတယ်၊ ပညာရေး လိုအပ်ချက်တွေအတွက် ငွေကြေး အမြောက်အများ သုံးစွဲပါတယ်။ ဥက္ကဌကြီးမော်စီတုန်း လက်ထက်ကနဲ့ ကွာခြားတာကတော့ အရင်က ပညာရေးကို အစိုးရပိုင်းက တင်းတင်းမာမာ ပြတ်ပြတ်သားသား ၀င်ရာက်ကိုင်တွယ်ပေမဲ့ ခုချိန်မှာတော့ ပျော့ပျော့ပြောင်းပြောင်းနဲ့ မသိမသာ ကိုင်တွယ် ချုပ်ထိန်းရင်းကနေ စံမီပညာရေးကို ဖန်တီးပေး နေတာပါပဲ။ ဒါဟာ လက်ရှိမြန်မာနိုင်ငံရဲ့ အခြေနေထက် အဆများစွာသာတဲ့ တိုးတက်မှုပဲဖြစ်ပါတယ်။

မြန်မာနိုင်ငံဟာ ခုချိန်မှာ ရုရှနိုင်ငံကိုလည်း ပညာတော်သင်တွေ လွှတ်နေပါတယ်။ ရုရှနိုင်ငံဟာလည်း မြန်မာနိုင်ငံလောက်မဆိုးပေမဲ့ လူ့အခွင့်အရေးမှာ လွတ်လပ်ခွင့်တွေ ချုပ်ချယ်ကန့်သတ်တဲ့ နိုင်ငံပါပဲ။ ဒါပေမဲ့လည်း ပညာရေးကိုတော့ဖြင့် အစွမ်းကုန် အားပေးတာ တွေ့ရပါတယ်။ ရုရှအစိုးရဟာ ဆရာ ဆရာမ တွေကို သင်ရိုးလွတ်လပ်ခွင့် ပေးတာ ကနေစပြီး လွတ်လပ်စွာ သင်ကြားပို့ချခွင့် လွတ်လပ်စွာ ပြောဆိုခွင့်တွေ ပေးထားပါတယ်။ သက်ဆိုင်ရာ ပညာရေးအာဏာပိုင်က ပညာရေးဆိုင်ရာ ပညာရှင်တွေနဲ့ ညှိပြီး ပြဌာန်းရမယ့် ဘာသာရပ် သတ်မှတ်တဲ့ထိပဲ ပါဝင်ပတ်သက်ပါတယ်။ သင်ရိုးနဲ့ သင်ခန်းစာခေါင်းစဉ် ရွေးချယ် သတ်မှတ်တာ ကတော့ သင်ကြားမယ့် ဘာသာရပ်ဆရာကပဲ စိတ်ကြိုက် ရွေးချယ် သင်ကြားတာပါပဲ။ ဒါကြောင့် စာသင်ခန်းကို ဆရာနဲ့ ကျောင်းသားကသာ လုံးလုံးပိုင်ပါတယ်။

အဲဒီအပြင် ဆရာဆရာမတွေအတွက် လစာကို လုံလောက်အောင် ပေးထားတာကြောင့်လည်း အဂတိ လိုက်စားမှုနည်းပါးစေတဲ့အပြင် ဆရာဆရာမတွေရဲ့ ရပ်တည်မှုတန်ဖိုးကိုလည်း မြင့်မားစေပါတယ်။ ဆရာ ဆရာမတွေအနေနဲ့လည်း ဘ၀ရပ်တည်ရေး အတွက် ပူပန်စရာမရှိတာကြောင့် သင်ကြားရေးကို ဖိဖိစီးစီး အင်အားစိုက်ထုတ်နိုင်ပါတယ်။ ပြီးတော့ ဆရာဆရာမက သူ့စာသင်ခန်းမှာ လုပ်ပိုင်ခွင့်အပြည့်ရှိတာကြောင့် လည်း သူတို့ရဲ့ သင်ကြားရေးအပေါ် ယုံကြည်ချက်ရှိပြီး လုပ်ငန်းခွင်မှာ ပျော်ပါတယ်၊ စိတ်ပါဝင်စားပါတယ်။

ရုရှနိုင်ငံဟာလည်း ကွန်မြူနစ်ဝါဒ လွှမ်းမိုးပြီး နိုင်ငံရေးကို ချုပ်ကိုင်တဲ့ နိုင်ငံဖြစ်ပေမဲ့ ပညာရေးကဏ္ဍကို သေသေချာချာ ပံ့ပိုးပေးပြီး သင်ကြားမှု သင်ယူမှုတွေမှာ လွတ်လပ်မှုရှိတာ တွေ့ရပါတယ်။ ဆရာ တပည့် အပြန်အလှန် ငြင်းခုန် ဆွေးနွေးခွင့် ရှိပါတယ်။ ပြီးတော့ ကျောင်းဝင်းတွေထဲမှာ လွတ်လွတ်လပ်လပ် နေထိုင် သွားလာခွင့်၊ ဆည်းပူးလေ့လာခွင့် တွေရှိပါတယ်။ စာကြည့်တိုက် ကောင်းကောင်းတွေ အများကြီး ရှိပါတယ်။ ကျောင်းသားတွေရဲ့ နေထိုင်ရေးကအစ အဆင့်အတန်းမြင့်မြင့် ဖန်တီးပေးထားပါတယ်။ ကျောင်းစရိတ် ကလည်း မများပါဘူး။

ပြီးတော့ ကျောင်းသားတွေ စိတ်ကြိုက် ၀ါသနာပါရာရွေးပြီး သင်ယူနိုင်တဲ့ ဘာသာရပ်အလိုက် Math Institute, Physics Institute, Chemistry Institute, Law Institute, Astrology Institute, Medical Institute တွေလို ဘာသာရပ်ဆိုင်ရာ Institute တွေ ရှိတာမို့ ကျောင်းသား ကျောင်းသူတွေဟာ ကိုယ်ကြိုက်တဲ့ ဘာသာရပ်ကို သေချာပေါက် ထွန်းပေါက်အောင် သင်ယူနိုင်ကြပါတယ်။ အဲဒီ ဘာသာရပ်အလိုက် Institute တွေဟာ တက္ကသိုလ်တွေထက် ပိုပြီးတောင် နာမည်ရပါတယ်။ အောင်မြင်ပါတယ်။

ရုရှနိုင်ငံမှာ အဲလို Institute ပေါင်း ၁၃၀၀ကျော် ရှိပါတယ်။ အဲဒီမှာ အစိုးရပိုင် Institute က ၆၈၅ခုဖြစ်ပြီး အစိုးရမဟုတ်တဲ့ NGO အဖွဲ့အစည်းတွေက ၆၁၉ခု ဖွင့်လှစ် ထားတာဖြစ်ပါတယ်။ ရုရှအစိုးရဟာ ပညာရေးမှာ အစိုးရမဟုတ်တဲ့ အဖွဲ့အစည်းတွေကိုပါ ပူးပေါင်းပါဝင်ခွင့် ပေးထားတဲ့အတွက် အပြိုင်အဆိုင် ကြိုးစားကြတာမို့ ရုရှနိုင်ငံဟာ ပညာရှင် ရာနှုန်းပြည့် ထွက်တယ်လို့ အသိအမှတ်ပြုခံရတဲ့ နိုင်ငံ ဖြစ်ပါတယ်။

အဲဒါကြောင့်ပဲ ရုရှဟာ နိုင်ငံတကာအဆင့်မီ တကယ်ထူးချွန်တဲ့ ပညာရှင်တွေကို သူ့နိုင်ငံတွင်းမှာ မွေးထုတ်နိုင် နေတာ ဖြစ်ပါတယ်။ ပြီးတော့ အဲဒီထူးချွန်တဲ့ ပညာရှင်တွေဟာလည်း သူတို့ပညာနဲ့ ကောင်းကောင်း ရပ်တည် နိုင်ပြီး အဲဒီ ပညာကို အသုံးချခွင့်လည်း ကောင်းကောင်း ရကြပါတယ်။ ဒါဟာ ကိုယ့်နိုင်ငံ ဖွံ့ဖြိုးတိုးတက်ရေးကို အင်မတန် အားပေးတဲ့ အခြေနေတခုပဲ ဖြစ်ပါတယ်။ ခုချိန်မှာ ရုရှနိုင်ငံနဲ့ နီးစပ်နေတဲ့ မြန်မာနိုင်ငံအစိုးရအနေနဲ့ ဒါကို အတုယူသင့်ပါတယ်၊

မြန်မာနိုင်ငံအနေနဲ့လည်း ခုချိန်မှာ အစိုးရအစီအစဉ်အနေနဲ့ ရုရှနိုင်ငံအပါအ၀င် ပြည်ပကို ပညာတော်သင်တွေ စေလွှတ်နေပါတယ်၊ ဒါပေမဲ့ အများစုကတော့ စစ်အစိုးရနဲ့ ပတ်သက် ဆက်နွယ်နေသူတွေ ဖြစ်ပါတယ်။ သူတို့ဟာ အစိုးရရဲ့ အုပ်ချုပ်ရေး ယန္တယား ခိုင်မာ တောင့်တင်းဖို့အတွက် ရည်စူးတဲ့ ပညာရပ်တွေကို သင်ယူနေကြတာ ဖြစ်ပြီးတော့ စစ်အစိုးရရဲ့ အာဏာတည်မြဲရေးအတွက်သာ ပြန်အလုပ်အကျွေး ပြုကြတာ များပါတယ်။ တကယ်ကတော့ တိုင်းတပါးက ဖွံ့ဖြိုးတိုးတက်မှုတွေကို နည်းနာယူခဲ့တဲ့ သူတို့ဟာ ပညာခေတ် ထဲမှာ အများကြီး နောက်ကျကျန်နေခဲ့တဲ့ မြန်မာနိုင်ငံရဲ့ ပညာရေးကို ကူညီ တည်ဆောက် ပေးသင့်တာပါ။ ပြီးတော့ မြန်မာနိုင်ငံရဲ့ အာဏာပိုင်တွေအနေနဲ့လည်း ပညာတော်သင်တွေ စေလွှတ်ရာမှာ ကိုယ့်နိုင်ငံအတွက် တကယ်လိုအပ်နေတဲ့ ဖွံ့ဖြိုး တိုးတက်ရေးကို ဦးတည်တဲ့ ပညာရပ်တွေကို သင်ကြားဖို့နဲ့ ထူးချွန်သူမှန်သမျှကို စေလွှတ်မှသာ တရားမျှတမှာ ဖြစ်ပါတယ်။ ဒါမှပဲ တကယ့် ဒီမိုကရေစီပညာရေးလို့ ဆိုနိုင်မှာလည်း ဖြစ်ပါတယ်ရှင်…။

မေငြိမ်း(၂၀၀၇)

စစ်အစိုးရရဲ့ ပညာရှင်နှိပ်ကွပ်မှု

မြန်မာနိုင်ငံမှာက လက်ရှိအခြေနေထိ အဘက်ဘက်က လွတ်လပ်ခွင့်တွေ အများကြီး ဆုံးရှုံးနေကြရပါတယ်။ အထူးသဖြင့်တော့ ပညာရှေ့သွားစနစ်လွှမ်းမိုးနေတဲ့ မျက်မှောက် ခေတ်မှာ နိုင်ငံတနိုင်ငံဟာ ပညာရေးမှာ စဉ်းစားတွေးခေါ်မှု၊ လေ့လာသင်ကြားမှုတွေ လွတ်လပ်မှပဲ ဆင်ခြင်တုံတရားနဲ့ ဥာဏ်ပညာက ဦးဆောင်တဲ့ နိုင်ငံသားတွေကိုသုံးပြီး တကယ်တမ်း ဖွံ့ဖြိုးတိုးတက်တဲ့ ဒီမိုကရေစီနိုင်ငံတည်ဆောက်နိုင်မှာ ဖြစ်ပါတယ်။

မြန်မာနိုင်ငံပညာရေးစနစ်ထဲမှာ ပညာရေးလွတ်လပ်ခွင့်ကို နိုင်ငံအာဏာပိုင်တွေက ထိန်းချုပ်ထားတာမျိုး ကတော့ ၁၉၄၉ကနေ ၁၉၇၆ထိ တရုတ်နိုင်ငံမှာ သြဇာကြီးမားခဲ့တဲ့ ကွန်မြူနစ်ပါတီဥက္ကဌ မော်စီတုန်း လက်ထက်တုန်းက အုပ်ချုပ်ပုံနဲ့ တူနေတာ တွေ့ရပါတယ်။ တရုတ်နိုင်ငံမှာက ၁၉၄၉နောက်ပိုင်းကာလမှာ ပညာရေးစနစ်နဲ့ ပညာရှင်တွေကို အလွန်အမင်း ချုပ်ကိုင်ခဲ့ပါတယ်။ ကျောင်းပညာရေးထဲမှာ ကွန်မြူနစ်စနစ် ကို သင်ကြား ပို့ချစေပြီးတော့ ပညာရှင်တွေဟာလည်း အစိုးရကို ဝေဖန်ခွင့် လုံးဝ မရှိပါဘူး။ အဲဒီအပြင် ပညာရေးမှာ အနောက်တိုင်းက စီးဆင်းလာတဲ့ အတွေးအခေါ်တွေ ပညာရပ်တွေကို လုံးဝမသင်ရလို့ တားမြစ်ပါတယ်။ အစိုးရက ထုတ်ပြန်ထားတဲ့ အမိန့်ကို ချိုးဖောက်ခဲ့ရင် အနည်းဆုံး ရဲဘက်စခန်းတွေ ပို့ပစ်ရာကနေ၊ အများဆုံး သေဒဏ်ပေးတဲ့အထိ စီရင် ပစ်တာပါ။

၁၉၆၀နောက်ပိုင်းနှစ်တွေမှာတော့ တိုးတက်တဲ့အမြင်ရှိတဲ့ ပညာရှင်တွေနဲ့ ကျောင်းသား တွေ ပူးပေါင်းမိပြီး ပညာရေးစနစ် ပြုပြင်ပြောင်းလဲရေးနဲ့ ပညာရေး လွတ်လပ်ခွင့်အတွက် တော်လှန်ရေးဆန်ဆန် လုပ်လာကြ ပါတယ်။ ဒါကြောင့် ၁၉၆၀ကနေ ၁၉၇၀နောက်ပိုင်း ကာလတွေဟာ တရုတ်နိုင်ငံရဲ့ 'ယဉ်ကျေးမှု တော်လှန်ရေး' ကာလပဲ ဖြစ်ပါ တယ်။

တရုတ်နိုင်ငံဟာ ၁၉၈၀နောက်ပိုင်းမှာတော့ ‘တိန်ရှောင်ဖိန်’ ဦးဆောင်တဲ့ အစိုးရက အုပ်ချုပ်ရေးပိုင်းကို အာဏာရှင်ဆန်ဆန် ချုပ်ကိုင်ထားပေမဲ့ ပညာရေးဆိုင်ရာမှာတော့ တဖြည်းဖြည်းနဲ့ ပြုပြင်ပြောင်းလဲမှုတွေ မသိမသာ လုပ်လာပါတယ်။ ဒါပေမဲ့ ၁၉၈၉ တီအန်မင်ရင်ပြင်မှာ ကျောင်းသားတွေက ဒီမိုကရေစီ တောင်းတဲ့အခါကျတော့ ပစ်ခတ် နှိမ်နင်းပါသေးတယ်။ အဲလို အာဏာကို ချုပ်ကိုင်ထားပေမဲ့ တရုတ်အစိုးရဟာ သူ့နိုင်ငံ အမြန်ဆုံး တိုးတက်ဖို့အတွက် ပညာရေးကသာ ဦးဆောင်ရမယ်လို့တော့ သိတဲ့အတွက် ပညာရေးစနစ် ကို အထိုက်အလျောက် လွတ်လပ်ခွင့်ပေးလာတာ တွေ့ရပါတယ်။ အရင်က ပိတ်ပင်ထားခဲ့တဲ့ အနောက်တိုင်းက နည်းပညာတွေနဲ့ အတွေးအခေါ်တချို့ကို လက်ခံလာသလို အနောက်တိုင်းက ပညာရှင်တွေကို ခေါ်ယူပြီး ပညာရေးထဲမှာ ခန့်ထား အသုံးချတာမျိုးတွေနဲ့ ပညာတော်တဲ့ ကျောင်းသားတွေကို နိုင်ငံခြားပညာတော်သင် စေလွှတ်တာတွေ လုပ်လာပါတယ်။

ဒါကြောင့် လက်ရှိ မျက်မှောက်ကာလမှာတော့ တရုတ်ပြည်က ကျောင်းသားတွေဟာ နိုင်ငံတကာကို လက်လှမ်း မီနိုင်တဲ့ စံမီပညာရေးနဲ့ အလှမ်းမဝေးဘူးလို့ ဆိုနိုင်ပါတယ်။ နိုင်ငံရေးအနေနဲ့ အစိုးရရဲ့ အုပ်ချုပ်ရေးကို ပွင့်ပွင့်လင်းလင်း ဝေဖန်ခွင့်မျိုး မရှိသေးပေမဲ့၊ ပညာရေးထဲမှာတေ့ာ လွတ်လပ်မှု အတော်ရှိလာပြီလို့ ဆိုနိုင် ပါတယ်။ ခုဆိုရင် လက်ရှိ အမေရိကန်နိုင်ငံရောက် ပညာတော်သင် နိုင်ငံခြားသား ကျောင်းသားတွေထဲမှာ တရုတ်နိုင်ငံက လာတက်တဲ့ ကျောင်းသားက အများဆုံးလို့ ဆိုပါတယ်။ အဲဒီအပြင် စာသင်ခန်းမှာလည်း ခေတ်မီသင်ကြားနည်းစနစ်တွေသုံးဖို့ ဆရာဆရာမတွေကို သေချာ လေ့ကျင့်ပေးပါတယ်။ ဒါကြောင့် နှစ်၂၀ အတွင်းမှာပဲ တရုတ်နိုင်ငံဟာ ပညာရေးတိုးတက်တာကြောင့် ဘက်ပေါင်းစုံမှာပါ လိုက်ပြီး တိုးတက်လာတာ ဖြစ်ပါတယ်။

မြန်မာနိုင်ငံမှာကတော့ ပညာရေးသင်ရိုးတွေကို ချုပ်ကိုင်ရုံသာမက ပညာရှင် ဆရာဆရာမတွေရဲ့ သင်ကြား ရေးကိုပါ အာဏာနဲ့ တင်းတင်းကျပ်ကျပ် ချုပ်ချယ်ကန့်သတ် ထားတာပါ။ သင်ခန်းစာနဲ့ဆက်နွယ်ပြီး သိသင့် သိထိုက်တာတွေကိုတောင် မပြောရဘူးလို့ တရားဝင် တားမြစ်တာပါ။ ဒါကြောင့်ပဲ တွံတေးမြို့က ကျူရှင်ဆရာ ဦးအောင်ဖေဟာ ဗိုလ်ချုပ်အောင်ဆန်းအကြောင်း ဟောပြောမှုနဲ့ ဖမ်းပြီး ထောင်ချခံထားရတာ ဒီနေ့ထက်ထိ ပါပဲ။ အဲဒီလိုပဲ ၂၀၀၀ခုနှစ်တုန်းကလည်း ရန်ကုန်ကွန်ပျူတာတက္ကသိုလ် မြန်မာစာဌာနက ဆရာဦးဌေးဝင်းဟာ စာသင်ခန်းမှာ သင်ခန်းစာနဲ့ ဆက်နွယ်ပြီး သင်ရာမှာ အစိုးရကို ထိပါးပုတ်ခတ်တယ်ဆိုပြီးတော့ အဖမ်းဆီးခံရပြီး ထောင် ၇နှစ် ကျခဲ့ရပါတယ်။

အဲဒါနဲ့ ပတ်သက်လို့ ဆရာဦးဌေးဝင်းက

“ကျနော်က အထွေထွေမြန်မာစာကို သင်ရင်းနဲ့ ဗဟုသုတအနေနဲ့ အဲဒီနှစ်မှာ ထောင်စုနှစ်အတွင်း အတော်ဆုံး လူရွေးတယ်ဆိုတဲ့ တိုင်းမဂ္ဂဇင်းက သတင်းလေးကို ပြောပြရင်း မြန်မာပြည်မှာ အတော်ဆုံးပုဂ္ဂိုလ်ရွေးရင် ဆရာကတော့ ဦးဥတ္တမကိုရွေးမယ်၊ ဗိုလ်ချုပ်အောင်ဆန်းကို ရွေးမယ်၊ ဒေါ်အောင်ဆန်းစုကြည်ကို ရွေးမယ်လို့ ကျောင်းသားတွေကို ပြောပါတယ်၊ တကယ်လို့ အဆိုးဆုံးကို ရွေးမယ် ဆိုရင်တော့ မြန်မာနိုင်ငံကို အဆင်းရဲဆုံးနိုင်ငံဖြစ်အောင်လုပ်ခဲ့တဲ့ ဦးနေ၀င်း ပေါ့ကွာ..လို့ ပြောလိုက်တယ်။ ဘာလို့ ဒီလိုပြောရလဲဆိုတော့ အဲဒီတုန်းက ကျောင်းတွေမှာက လွတ်လပ်စွာတွေးတောခွင့်၊ လွတ်လပ်စွာပြောဆိုခွင့်၊ လွတ်လပ်စွာ ရေးသားခွင့်တွေမရှိတော့ ကလေးတွေက ဘာမှမသိ နားမလည်ဖြစ်နေတာ။ ဒါကြောင့် ကျနော်တို့ ဆရာဆရာမတွေမှာ သမိုင်းအမှန်တွေကို သိအောင်ပြောပြဖို့ တာဝန်ရှိတယ်လို့ ကျနော်ယုံကြည် လို့ ပြောရတာပဲ”..

လို့ ပြောပြပါတယ်။

မြန်မာနိုင်ငံမှာ ခုလို ပညာသင်ကြားရေးဆိုင်ရာ လွတ်လပ်ခွင့်တွေ ဆုံးရှုံးနေသရွေ့တော့ ကျောင်းသားတွေရဲ့ အသိပညာတွေ အပိတ်အဆို့ခံနေရဦးမှာပဲ ဖြစ်ပါတယ်။ အဲဒီလို အသိပညာတွေ ဆုံးရှုံးနေတဲ့ နိုင်ငံဟာ ဘယ်လိုနည်းနဲ့မှ ဒီမိုကရေစီနိုင်ငံအဖြစ် ပုံပေါ်လာနိုင်ဦးမှာ မဟုတ်ပါဘူး။

မေငြိမ်း(၂၀၀၇)

စစ်အစိုးရနဲ့ ပညာရေးလွတ်လပ်ခွင့်

ပညာရေးအဆင့်အတန်း အမှန်တကယ် မြင့်မားဖို့ဆိုရင် ဘယ်နိုင်ငံမှာမဆို ပညာရေးစနစ်ဟာ အဖွဲ့အစည်းတွေ အယူဝါဒတွေရဲ့အောက်မှာမရှိရဘဲ လွတ်လပ်စွာ ဖြစ်တည် နေရမယ်လို့ နိုင်ငံတကာပညာရေးပညာရှင်တွေက သဘောတူ ဆုံးဖြတ်ထားပါတယ်။ လွတ်လပ်တဲ့ ပညာရေး ဆိုတာမှာလည်း ကျောင်းပညာရေးဟာ ကျောင်းသားမိဘတွေနဲ့ ကျောင်းသူကျောင်းသားတွေ စိတ်ကြိုက်ရွေးချယ်သင်ကြားခွင့် ရှိရပါတယ်။ အဲဒီအပြင် လိုအပ်တဲ့ သတ်မှတ်ထားတဲ့ အချက်အလက်နဲ့ပြည့်စုံရင် ဘယ်သူမဆို ကျောင်း တည်ထောင်ခွင့်လည်း ရှိပါတယ်။ ဒါကြောင့် ပညာရေးလွတ်လပ်ခွင့်ရှိတဲ့ နိုင်ငံတွေမှာ ကျောင်းတွေ အပြိုင်အဆိုင် တည်ထောင်ရာ ကနေ ပညာရေးအဆင့်အတန်းတွေ စနစ်တွေကိုလည်း ကောင်းသထက်ကောင်းအောင် အပြိုင်အဆိုင် အားထုတ်လာကြတာ ဖြစ်ပါ တယ်။

မြန်မာနိုင်ငံကတော့ ၁၉၆၄ခုနှစ်ကစပြီး ပုဂ္ဂလိကကျောင်းတွေကို ပြည်သူပိုင်သိမ်းပါတယ်။ အဲဒီအချိန်ကစပြီး ခုချိန်ထိ မြန်မာနိုင်ငံမှာ ကိုယ်ပိုင်ကျောင်းပညာရေး မရှိတော့ပါဘူး။ အဲဒီအပြင် ကိုယ်နေတဲ့ မြို့နယ်ကို ကျော်ပြီး ကျောင်းထားခွင့်မရှိဘူးလို့ သတ်မှတ်ထားပါတယ်။ ကျောင်းရွေးထားချင်ရင် လာဘ်ထိုးရပါတယ်။ အစိုးရကျောင်းတွေဟာလည်း အာဏာပိုင်တွေရဲ့ ထိန်းချုပ်မှုအောက်မှာ ရှိနေတာမို့ လွတ်လပ်တဲ့ ပညာရေး အခြေနေမျိုး မရှိပါဘူး။ အဲဒီလို ကျောင်းရွေးချယ်ခွင့်မှာ မလွတ်လပ်ရုံမက ကျောင်းသင်ရိုး ပြဌာန်းစာ တွေမှာလည်း လွတ်လပ်ခွင့် လုံးဝ မရှိတာတွေ့ရပါတယ်။

သင်ရိုးလွတ်လပ်ခွင့်နဲ့ ပတ်သက်လို့ ပြောရရင် တနိုင်ငံလုံးရဲ့ သင်ရိုးတွေဟာ အတန်းအလိုက် အတူတူပဲ ဖြစ်တဲ့အပြင်၊ ဒေသအလိုက် လိုအပ်သလို ဖြည့်စွက် သင်ကြားတဲ့ သင်ရိုးဆိုတာမျိုးလည်း မရှိပါဘူး။ ဒါကြောင့် တကျောင်းနဲ့တကျောင်း သူ့ထက်ငါ ကောင်းအောင် အပြိုင်အဆိုင် သင်ကြားကြတာမျိုးလည်း မရှိတော့ပါဘူး။ ပိုဆိုးတာ ကတော့ ပြီးခဲ့တဲ့တပတ်က တင်ပြခဲ့သလိုပဲ အုပ်ချုပ်သူအာဏာပိုင်တွေက သင်ရိုး သတ်မှတ်ချက် အထိ ၀င်ရောက်စွက်ဖက်နေတာမျိုးပဲ ဖြစ်ပါတယ်။

မြန်မာနိုင်ငံရဲ့ စစ်အစိုးရဟာ ကျောင်းပညာရေးမှာ အခြေခံကျောင်းတွေကစပြီး ပါရဂူတန်းတွေထိအောင် သင်ရိုးရေးဆွဲရာတွေမှာ ၀င်ရောက်စွက်ဖက်တာ ဖြစ်ပါတယ်။ အထူးသဖြင့် မြန်မာ့နိုင်ငံရေးအခြေအနေနဲ့ ပတ်သက်လေ့ရှိတဲ့ မြန်မာစာဘာသာရပ်နဲ့ လူမှုရေး ဘာသာရပ်တွေမှာ ဖြစ်ပါတယ်။ ဥပမာ- မြန်မာစာ ဘာသာရပ်မှာ ဗမာလူမျိုးတွေရဲ့ စာပေယဉ်ကျေးမှုအနုပညာ ဓလေ့ထုံးစံတွေကိုသာ အခြေခံမူလတန်းကနေ အထက်တန်းရောက်တဲ့အထိ တောက်လျှောက် အလေးပေးသင်သွားပြီး တခြားလူမျိုးစုတွေရဲ့ ဘာသာစကား ယဉ်ကျေးမှုအနုပညာဓလေ့ထုံးစံတွေကိုတော့ သင်ရိုးမှာ မထည့်ပါဘူး။

အဲဒီလိုပဲ သမိုင်းဆိုင်ရာသင်ရိုးတွေမှာလည်း လက်တွေ့လောကမှာ အသုံးချမရတဲ့ သမိုင်းကြောင်းတချို့နဲ့ မြန်မာဘုရင်အဆက်ဆက် နယ်ပယ်ချဲ့ထွင်ရင်း ဖြစ်ကြတဲ့ စစ်ပွဲတွေကိုသာ အသားပေး ပြဌာန်းတာ တွေ့ရ ပါတယ်။ လူမျိုးရေး ဘာသာရေး အာဃာတ လွှမ်းမိုးပြီး နိုင်ငံရေးအရ သူတို့လိုအပ်သလို ၀ါဒဖြန့်တဲ့ ရှုထောင့်တွေဘက်က နေ လိုရာဆွဲရေးသားတဲ့ သင်ခန်းစာမျိုးတွေ ဖြစ်ပါတယ်။ ဥပမာပြောရရင် ထိုင်းနိုင်ငံနဲ့ မြန်မာနိုင်ငံရဲ့ ပြဿနာကို သီးခြားပြဌာန်းစာအုပ်အဖြစ် သတ်မှတ်ထားတာမျိုးပါ၊ ဒါဟာ စာသင်သားတွေကို နိုင်ငံရေးမှိုင်းတိုက်တာပဲ ဖြစ်ပါတယ်။ သမိုင်းကြောင်းထဲက သင်ခန်းစာ ယူစရာ အမှားတွေကို ဝေဖန်ပိုင်းခြား တတ်အောင်၊ ဆင်ခြင်သုံးသပ်တတ်အောင် သင်ကြားပေးတာမျိုး လုံးဝမရှိပါဘူး။

ဒီလိုပဲ ပထ၀ီဝင်ဘာသာရပ်မှာဆိုလည်း ၁၉၆၄တုန်းက အတည်ပြုခဲ့တဲ့ မြန်မာနိုင်ငံရဲ့ ပထ၀ီဝင်အနေအထားနဲ့ သဘာဝပတ်ဝန်းကျင် အနေအထားတွေကိုပဲ တိုးချဲ့ခြင်း၊ ထုတ်ပယ်ခြင်း၊ ပြင်ဆင်ဖြည့်စွက်ခြင်းမရှိဘဲ သင်နေ ကြရဆဲပါ။ သဘာဝသိပ္ပံဘာသာရပ်မှာလည်း ကလေးတွေဟာ သာမန် သဘာဝပေါက်ပင် ရေမြေ တောတောင် တွေ အကြောင်းလောက်ကိုပဲ ရိုးရိုးစင်းစင်း သင်နေကြရတာပါ။ သင်ရိုးတွေ သင်ခန်းစာတွေဟာ ခေတ်နောက် ကျနေပြီဖြစ်တဲ့အပြင် တချို့အချက်အလက်တွေကလည်း မျက်မှောက် မြန်မာနိုင်ငံရဲ့ လက်ရှိ အနေအထားနဲ့ လွဲချော်နေပြီဖြစ်ပါတယ်။

ကမ္ဘာ့နိုင်ငံအများစုကတော့ လက်တွေ့ကာလမှာ အသုံးချလို့ရတဲ့ အသုံးဝင်တဲ့ အကြောင်းအရာတွေကိုသာ ကျောင်းပညာရေးထဲမှာ ပြဌာန်းတာ တွေ့ရပါတယ်။ ဥပမာ- ကမ္ဘာကြီးပူနွေးလာတဲ့ပြဿနာကို ရင်ဆိုင် လာနေရတဲ့အတွက် ပတ်ဝန်းကျင် ထိန်းသိမ်း ရေးတွေနဲ့ ပတ်သက်တဲ့အကြောင်းအရာတွေကို Environmental studiesအနေနဲ့ ပြဌာန်းသင်ကြားပေးတာမျိုးပါ၊ အထူးသဖြင့် သဘာဝရင်းမြစ် ပေါကြွယ်ဝတဲ့ မြန်မာပြည်က လူငယ်ကျောင်းသားတွေမှာ သဘာဝစွမ်းအင်အရင်းအမြစ်တွေကို ထိန်းသိမ်းတတ်ဖို့ အတွက် အသိပညာဗဟုသုတတွေ အလွန် လိုအပ်ပါတယ်။

ဒါပေမဲ့ လက်တွေ့အခြေနေမှာတော့ မြန်မာနိုင်ငံကကျောင်းသားတွေဟာ သူတို့ သိသင့်သိထိုက်တဲ့ ကိုယ့် နိုင်ငံတွင်းဆိုင်ရာ ဗဟုသုတ အချက်အလက်တွေကိုတောင် အမှန်အတိုင်း သိခွင့်မရဘဲရှိနေပြီး လက်တွေ့ ကမ္ဘာနဲ့ တော်တော် အလှမ်းဝေးနေကြရပါတယ်။ ဒါကြောင့် မြန်မာနိုင်ငံဟာ ပညာရေး လွတ်လပ်ခွင့် မရှိတဲ့ အပြင် စံမီပညာရေးနဲ့ အလှမ်းဝေးနေသေးတယ်လို့ ဆိုရမှာဖြစ်ပါတယ်။

ကမ္ဘာမှာက ပညာရေးကို ခေတ်နဲ့မီအောင် ပြုပြင်မွမ်းမံပြီး အားသွန်လိုက်နေချိန်မှာ မြန်မာနိုင်ငံကတော့ ကျောင်းသူကျောင်းသားတွေကို ခေတ်နောက်ကျသထက် နောက်ကျအောင် ဆွဲချနေတယ်လို့ ဆိုရမှာပါ၊ ဒီမိုကရေစီနိုင်ငံတွေက ကိုယ့်နိုင်ငံသားတွေ ဒီမိုကရေစီသဘောတရားနဲ့ အခြေခံလူ့အခွင့် အရေးတွေကို ငယ်စဉ်ကတည်းကသိမှ အောင်မြင်တဲ့ ဒီမိုကရေစီ နိုင်ငံဖြစ်လာမယ်လို့ သဘောပိုက်ပြီး ကျောင်းပညာရေး ထဲမှာ ဒီမိုကရေစီသဘောတရားနဲ့ အခြေခံ လူ့အခွင့်အရေးတွေကို သေချာထည့်သင်တာပါ။

မြန်မာနိုင်ငံမှာကတော့ စာသင်ခန်းမှာ ဒီမိုကရေစီ၊ လူ့အခွင့်အရေးဆိုတဲ့ စကားလုံးတွေကိုတောင် ထည့်ပြော လို့ မရတဲ့အပြင် ခေတ်နဲ့ မဆီလျော်တော့တဲ့သင်ရိုးတွေကိုလည်း ဖြုတ်ခွင့် ဖြည့်စွက်ခွင့် ပြုပြင်ခွင့်မရှိပါဘူး။ ဒါဟာ မြန်မာနိုင်ငံပြည်သူလူထုကို ကိုယ့် အခွင့်အရေးကိုမှ မသိတဲ့အခြေနေမျိုးဖြစ်အောင် လုပ်ထားတာပဲ ဖြစ်ပါတယ်။ ဒါဟာ တနည်းအားဖြင့်တော့ ပညာရေးလွတ်လပ်ခွင့်ကို ရိုက်ချိုးပြီး ကျောင်းသားလူငယ်တွေကို အစိုးရရဲ့အမိန့်အားလုံးကို လုံးလုံးမဝေဖန် မသုံးသပ်ဘဲ တသွေမတိမ်း နာခံတတ်ကျင့် ရှိလာအောင် မွေးမြူနေတာပဲဖြစ်ပါတယ်။

မေငြိမ်း (၂၀၀၇)

စစ်အစိုးရရဲ့ ဒီမိုကရေစီပညာရေး

ကမ္ဘာပေါ်မှာ ခေတ်မီတဲ့ နိုင်ငံအများစုက ခုချိန်မှာ၊ ကိုယ့်နိုင်ငံကို တကယ် အောင်မြင်တဲ့ ဒီမိုကရေစီနိုင်ငံ ဖြစ်အောင် ကြိုးစားတည်ဆောက်နေကြပါတယ်။ အထူးသဖြင့် ပညာရေးစနစ်ကို ဒီမိုကရေစီနည်းကျတဲ့ ပညာရေးဖြစ်အောင် သင်ကြားနည်းစနစ်ကအစ သင်ရိုး ညွှန်းတန်းအထိကို ဒီမိုကရေစီစနစ်နဲ့ လျော်ညီအောင် တည်ဆောက် မွမ်းမံနေကြပါတယ်။

ပညာရေးနဲ့ ပတ်သက်လို့ ကမ္ဘာ့ကုလသမဂ္ဂက အတည်ပြုပြဌာန်းထားတဲ့ အပြည်ပြည်ဆိုင်ရာ လူ့အခွင့်အရေး ကြေငြာစာတမ်းရဲ့ နောက်ဆက်တွဲအပိုဒ် (၂၆)မှာ ပညာရေးဟာ လူတိုင်းခံစားရမယ့် မွေးရာပါ လူ့အခွင့်အရေး တစ်ရပ်ဖြစ်တယ် လို့ ကြေငြာထားပါတယ်။ အဲဒီအပြင် အပိုဒ်(၂၇)(က)မှာလည်း.. “လူတိုင်းသည် လူမှု အဖွဲ့အစည်း၏ ယဉ်ကျေးမှုဘ၀တွင် လွတ်လပ်စွာ ပါဝင်ပိုင်ခွင့်၊ အနုပညာ သုခုမ ပညာရပ်များကို လွတ်လပ်စွာ လိုက်စား မွေ့လျော်နိုင်ခွင့်၊ သိပ္ပံပညာထွန်းကားရေးလုပ်ငန်းများတွင် လွတ်လပ်စွာ ၀င်ရောက် လုပ်ကိုင်နိုင်ခွင့် နှင့် ထိုပညာ၏ အကျိုးအမြတ်တို့ကို လွတ်လပ်စွာ ခံစား သုံးစွဲပိုင်ခွင့် ရှိသည်။” လို့ ဖေါ်ပြပါရှိပါတယ်။

အဲသလိုပဲ အပိုဒ်(၂၇-ခ)မှာလည်း… “လူတိုင်းသည် မိမိကိုယ်ပိုင်ဥာဏ်ဖြင့် ကြံစည် ဖန်တီးမှုမှ ဖြစ်ထွန်း လာသော သိပ္ပံပညာဆိုင်ရာ တီထွင်မှုများ၊ စာပေဆိုင်ရာ အနုပညာဆိုင်ရာ ဖန်တီးမှုများတို့၏ ဂုဏ်နှင့် ရုပ်ဝတ္ထုပိုင်းဆိုင်ရာ အကျိုးအမြတ်များကို ခံစားရယူနိုင်ရန် အတွက် ကာကွယ်မှုများ ရပိုင်ခွင့်ရှိသည်။”…. လို့ ပါပါတယ်။

အဲဒီ ကြေငြာစာတမ်းဟာ ၁၉၄၈ခုနှစ်ကတည်းက ကုလသမဂ္ဂအဖွဲ့ဝင် နိုင်ငံပေါင်း (၄၈) နိုင်ငံက သဘောတူ ထောက်ခံ လက်မှတ်ရေးထိုးခဲ့တဲ့ စာတမ်းဖြစ်ပါတယ်။ အဲဒီ စာတမ်းပါ အပိုဒ်၂၇အရ ပညာရေးနဲ့ ဆက်နွယ် နေတဲ့ ပညာရပ်ပိုင်းဆိုင်ရာ လွတ်လပ်ခွင့်ဟာ လူသားတိုင်း၊ အထူးသဖြင့် ဒီမိုကရေစီစနစ်ကို အကောင်အထည် ဖေါ် တည်ဆောက်နေတဲ့ နိုင်ငံတိုင်း အစိုးရတိုင်းက လိုက်နာကျင့်ကြံရမယ့် လူ့အခွင့်အရေး စည်းကမ်းတွေပဲ ဖြစ်ပါတယ်။

မြန်မာနိုင်ငံမှာလည်း အာဏာပိုင်များက ခုချိန်မှာ စည်းကမ်းပြည့်ဝတဲ့ ဒီမိုကရေစီနိုင်ငံဖြစ်အောင် တည်ဆောက်နေပါတယ်လို့ နိုင်ငံတကာကို တရားဝင် ကြေငြာထားပါတယ်။ အဲလိုပဲ ပညာရေးဝန်ကြီး ဒေါက်တာချမ်းငြိမ်းကလည်း မြန်မာနိုင်ငံပညာရေးကို ဒီမိုကရေစီ ပညာရေးအဖြစ် တည်ဆောက်နေတယ်လို့ ပြောထားပါတယ်။

အမေရိကန်နိုင်ငံ State Department ရဲ့ ဒီမိုကရေစီပညာရေးနဲ့ ပတ်သက်တဲ့ သဘောထားကြေငြာချက် တွေထဲမှာ ဒီမိုကရေစီပညာရေးဟာ စာသင်သားတွေကို တိုးတက်တဲ့ အတွေးအခေါ်တွေ၊ ဝေဖန်ပိုင်းခြား သုံးသပ်နိုင်စွမ်းတွေ ရင့်သန်အောင် ပျိုးထောင်ပေးတဲ့ပညာရေးမျိုးဖြစ်ရမယ်၊ အစိုးရဟာလည်း စာသင်သား တွေရဲ့ ပညာရေးဆိုင်ရာလွတ်လပ်ခွင့်ကို မထိပါးသင့်ဘူး၊ အဲဒီအပြင် စာသင်သားတွေရဲ့ ပညာရပ် ပိုင်းဆိုင်ရာ ကြိုးစားအားထုတ်မှု၊ ရှာဖွေတွေ့ရှိမှုတွေကို တန်ဖိုးထား လေးစားမြတ်နိုးရမယ် ဆိုတဲ့အချက်တွေကို တရားဝင် ထည့်သွင်းဖေါ်ပြထားတာ တွေ့ရပါတယ်။ ဒါဟာ အစိုးရတိုင်း လိုက်နာကျင့်ကြံသင့်တဲ့ ဒီမိုကရေစီပညာရေးရဲ့ တရားကိုယ်သဘောတွေလည်း ဖြစ်ပါတယ်။

မြန်မာနိုင်ငံကို ဒီမိုကရေစီနိုင်ငံအဖြစ် တည်ဆောက်နေပါတယ်လုိ့ဆိုတဲ့ စစ်အစိုးရကတော့ ပညာရေးထဲမှာ အခြေခံပညာကျောင်းတွေမှာ သင်ရိုးသတ်မှတ်တာကနေစပြီး မဟာဝိဇ္ဇ္ဇာသင်တန်းသားတွေ၊ ပါရဂူ သင်တန်းသားတွေအတွက် ကျမ်းပြုဖို့ ခေါင်းစဉ်တွေ ချမှတ်တဲ့အထိ ၀င်ပြီး စွက်ဖက်နေတာပါ။ ဥပမာပြောရရင် မြန်မာစာအထူးပြု မဟာတန်းတွေ ပါရဂူတန်းတွေမှာ ဆရာကြီးသခင်ကိုယ်တော်မှိုင်း၊ ဆရာမင်းသုဝဏ် တို့ရဲ့ စာတွေ ကဗျာတွေနဲ့ ပတ်သက်လို့ ကျမ်းမပြုရ၊ သုတေသနမလုပ်ရ... ဆိုတာမျိုး၊ ဗိုလ်ချုပ်အောင်ဆန်းနဲ့ ပတ်သက်တဲ့ အကြောင်းအရာတွေ မသင်ရ၊ မပြောရ၊ မရေးရ၊ ဆိုတာမျိုးတွေပါ။

ဒါထက်ပိုဆိုးတာကတော့ စစ်အစိုးရဟာ ပြီးခဲ့တဲ့ ၂၀၀၆ခုနှစ် မတ်လ၃ရက်နေ့မှာ ပြည်ပရောက် ပညာတော်သင်တွေအနေနဲ့ မဟာဘွဲ့ ပါရဂူဘွဲ့တွေအတွက် စာတမ်းတွေ ကျမ်းတွေ ရေးရာမှာ မြန်မာနိုင်ငံနဲ့ ပတ်သက်တဲ့အကြောင်းအရာကို ရေးသားမယ်ဆိုရင် ကျမ်းခေါင်းစဉ် စာတမ်းခေါင်းစဉ်တွေကို အစိုးရဆီ တင်ပြပြီး ခွင့်ပြုချက်ရမှ ရေးရမယ်လို့ သက်ဆိုင်ရာ သံရုံးတွေကတဆင့် တရားဝင်အမိန့် ထုတ်ပြန်ခဲ့ပါတယ်။ ဒါဟာလည်း ပညာရေးဆိုင်ရာ လွတ်လပ်ခွင့်ကို ထိပါးတဲ့၊ ဒီမိုကရေစီ ပညာရေးစနစ်နဲ့လည်း မကိုက်ညီတဲ့၊ လုပ်ရပ်ပါပဲ။

အဲဒီနောက် စစ်အစိုးရဟာ ၂၀၀၆ခုနှစ် စက်တင်ဘာလထဲမှာပဲ ဂျပန်နိုင်ငံ ကိုဘေးတက္ကသိုလ်မှာ ပါရဂူဘွဲ့ အတွက် ပညာတော်သင်အဖြစ် ကျမ်းပြုစုရေးသားနေတဲ့ ရန်ကုန်တက္ကသိုလ် ဒဿနိကဌာနက လက်ထောက် ကထိကဆရာမ ဒေါ်ယိမ်းယိမ်းရဲ့ နိုင်ငံကူးလက်မှတ်စာအုပ်ကို အကြောင်းပြချက် တစုံတရာ မပေးဘဲ ဖျက်သိမ်းခဲ့ပါတယ်။ အဲဒါဟာ ကိုယ့်နိုင်ငံက ရှားရှားပါးပါးမွေးထုတ်ထားရတဲ့ ပညာတတ်တွေကို မချီးမြှောက် တဲ့အပြင် နိုင်ငံမဲ့ဖြစ်အောင် အနာဂတ်မဲ့တဲ့အထိပါ ဖြစ်သွားအောင် လုပ်လိုက်တာပါပဲ။ ဒါဟာ ဒီမိုကရေစီ ပညာရေးစနစ်နဲ့ လုံးဝမကိုက်ညီတဲ့အပြင် ပညာရေး လွတ်လပ်ခွင့်နဲ့ လူ့အခွင့်အရေးတွေကို ထိပါးလိုက်တာပဲဖြစ်ပါတယ်။

ဒါဟာ ပညာရှင်ကို တန်ဖိုးမထားတဲ့ လုပ်ရပ်မျိုးဖြစ်တဲ့ အတွက် စစ်အစိုးရရဲ့ လုပ်ရပ်ဟာ ဒီမိုကရေစီစနစ်ကို တည်ဆောက်နေပါတယ်ဆိုတဲ့ အစိုးရတစ်ရပ်ရဲ့ ဂုဏ်အင်္ဂါနဲ့လည်း မကိုက်ညီဘူးလို့ သုံးသပ်ရမှာဖြစ်ပါတယ်။

မေငြိမ်း(၂၀၀၇)

Multicultural Education

ကမ္ဘာ့ပညာရေးပညာရှင်တွေက ခုနောက်ပိုင်းမှာ ပညာရေးဦးတည်ချက်အဖြစ် ကလေးတွေရဲ့ပညာရေးထဲမှာ စာသင်သားတွေအနေနဲ့ လူမျိုးစုံ ဘာသာစုံ ချစ်ချစ် ခင်ခင်နဲ့ အတူတကွ ပူးပေါင်း ယှဉ်တွဲ နေထိုင်နိုင်ရေး အတွက် ငြိမ်းချမ်းတဲ့ပညာရေး (Peace Education)ဆီကို ဦးတည်ကြောင်း ပြောခဲ့ပြီးဖြစ်ပါတယ်၊ ဒါဟာလည်း ကမ္ဘာလုံးဆိုင်ရာငြိမ်းချမ်းရေးအထိရည်ရွယ်တဲ့ အမျိုးသားပညာရေးပုံစံလို့ ဆိုနိုင်ပါတယ်။

အဲဒီအခါ စာသင်သားတွေအတွက် ပညာရေးကိုဖန်တီးရာမှာ အရောင် အသွေးစုံ ယဉ်ကျေးမှုပညာရေးပုံစံ 'Multicultural Education' ကို စဉ်းစားလာကြတာ ဖြစ်ပါတယ်။ ပညာရေးထဲမှာ လူမျိုးစုံ ပါဝင် ပူးပေါင်း နိုင်ရေးနဲ့ အနည်းဆုံး ကိုယ့်နိုင်ငံအတွင်းက လူမျိုးပေါင်းစုံတို့နဲ့ ပေါင်းသင်းဆက်ဆံရေး လွယ်ကူပြေပြစ်စေဖို့ကို ဦးတည်တဲ့ ပညာရေးမျိုးကို ဖန်တီးတာဟာလည်း ဒေသတွင်း အမျိုးသားပညာရေးကို တည်ဆောက်တာပဲ ဖြစ်ပါတယ်။

ကိုယ့်ဒေသတွင်းက လူမျိုးစုံတို့ရဲ့ ဘာသာစကားတွေကို အနည်းဆုံးတမျိုးလောက် ပိုတတ်ထားတဲ့အတွက် ဆက်သွယ်ဆက်ဆံရေးမှာ အဆင်ပြေစေတဲ့အပြင် အဲဒီလူမျိုး တမျိုးနဲ့တမျိုး ဓလေ့ထုံးစံနဲ့ စိတ်နေသဘောထား တွေကို အချင်းချင်းသိသွားတဲ့အတွက် ချစ်ခင်ရင်းနှီးမှုပိုရနိုင်တာမို့လို့ ငြိမ်းချမ်းတဲ့ပညာရေးဆီကို ဦးတည် ပါတယ်။

ဒါကြောင့်ပဲ ပညာရေးကို အထူးကြိုးစား တည်ဆောက်နေတဲ့ ကမ္ဘာ့နိုင်ငံအများစုက ကျောင်းပညာရေးထဲမှာ မိမိတို့နိုင်ငံရဲ့ အိမ်နီးချင်းနိုင်ငံတွေဆီက ဘာသာစကားတွေကို ထည့်သွင်း သင်ကြားပေးကြတာ တွေ့ရပါတယ်။ ဥပမာ- အမေရိကန်နိုင်ငံမှာ စပိန်ဘာသာရပ် သင်ရသလိုမျိုး၊ ဥရောပနိုင်ငံတွေမှာ အင်္ဂလိပ်ဘာသာ၊ ပြင်သစ်ဘာသာ၊ ဒတ်ခ်ျဘာသာ၊ ဂျာမန်ဘာသာတွေ သင်ယူရသလိုမျိုး ဖြစ်ပါတယ်။

နောက်ထပ် ထင်ရှားတဲ့ ဥပမာကတော့ စင်္ကာပူနိုင်ငံဟာ လူမျိုးပေါင်းစုံ နေထိုင် အလုပ်လုပ်ရာ နိုင်ငံဖြစ်တဲ့ အတွက် စင်္ကာပူနိုင်ငံမှာ အခြေခံပညာရေးမှာ ဘာသာစကား ၃မျိုးကို မသင်မနေရ ဘာသာရပ်တွေအဖြစ် သင်ယူကြရပါတယ်။ အဓိကဘာသာစကားက အင်္ဂလိပ်ဘာသာစကားဖြစ်ပြီး မလေး၊ ဟင်ဒီ၊ အင်ဒိုနီိးရှား၊ မင်ဒရင်း နဲ့ ဖိလစ်ပိုင်ဘာသာ စကားတွေထဲက ရွေးချယ် သင်ယူရပါတယ်။ ဒါကြောင့် ကလေးတွေဟာ အနည်းဆုံး ဘာသာစကား၃မျိုးလောက် တတ်ပြီး အရွယ်ရောက်တဲ့အခါ အလုပ်လုပ်ရာမှာ ဘာသာစကား ကြောင့် အခက်အခဲကြုံရတာမျိုး နည်းပါးသွားပါမယ်။ ပြီးတော့ ဘာသာစကား ကျွမ်းဝင်မှုကြောင့် အချင်းချင်းပို ရင်းနှီးချစ်ခင်လာနိုင်ပြီး အလုပ်လုပ်ရမှာလည်း အောင်မြင်အောင် ပူးပေါင်းဆောင်၇ွက်တာမျိုး တွေလည်း ပိုပြီးလုပ်လာနိုင်မှာ ဖြစ်ပါတယ်။

အဲသလိုပဲ နိုင်ငံတွင်းမှာကို ဘာသာစကား၃၀၀ကျော်ပြောနေတဲ့ အိန္ဒိယနိုင်ငံမှာဆိုလည်း ကျောင်းပညာရေးထဲ မှာ ဒေသအလိုက် ပြည်နယ်အလိုက်၊ မိခင်ဘာသာစကား တမျိုးနဲ့အတူ နီးစပ်ရာဘာသာစကား အနည်းဆုံး ၂မျိုးကို သင်ယူကြရပါတယ်။ ပြီးတော့ ဒုတိယဘာသာစကားအဖြစ် အင်္ဂလိပ်စာကို နိုင်ငံတကာအဆင့်မီ သင်ယူကြရပါတယ်။ ဒါကြောင့် အချင်းချင်း ဆက်သွယ်ရေးလွယ်ကူမှုကြောင့် ကိုယ့်နိုင်ငံသားတွေအတွက် တန်းတူပညာရေးအဆင့်အတန်းကို အလွယ်တကူ တည်ဆောက် ပေးနိုင်တာ တွေ့ရပါတယ်။ ဒါဟာလည်း အမျိုးသားပညာရေးကို ဆောင်ရွက်နိုင်မှုပဲ ဖြစ်ပါတယ်။

မြန်မာနိုင်ငံမှာကတော့ တိုင်းရင်းသားလူမျိုး ၁၃၀ကျော် မှီတင်းနေထိုင်နေတယ်လို့ လက်ရှိအာဏာပိုင်တွေက ကြေငြာထားပါတယ်။ ဒါပေမဲ့ တိုင်းရင်းသားတွေဟာ ခေတ်အဆက်ဆက် နိုင်ငံရဲ့ လမ်းပမ်း ဆက်သွယ်ရေး ခက်ခဲမှုကြောင့်ရော၊ တိုင်းရင်းသားတွေအပေါ် သူတို့မိခင်ဘာသာစကား သင်ကြားမှုကို ပိတ်ပင် ဟန့်တား ထားတဲ့အတွက်ရော၊ လူမျိုးတမျိုးနဲ့တမျိုး ဘာသာစကားဆက်စပ်မှု ဆက်သွယ်မှုတွေ မရှိကြတဲ့အတွက်ရော၊ ဓလေ့ထုံးစံတွေ ယဉ်ကျေးမှုတွေဟာ မှေးမှိန်လာရတဲ့အပြင် တိုင်းရင်းသား အချင်းချင်း ချစ်ကြည် ညီညွတ် ရေးကိုပါ ထိခိုက်စေလာတာကို တွေ့ရပါတယ်။ ဒါဟာ အမျိုးသားပညာရေး တည်ဆောက်တဲ့နေရာမှာ အဟန့်အတားပဲ ဖြစ်ပါတယ်။

တကယ်တော့ နိုင်ငံတနိုင်ငံမှာ အမျိုးသားပညာရေးကို တည်ဆောက်မယ်ဆိုရင် နိုင်ငံအုပ်ချုပ်သူ အစိုးရတွေနဲ့ အတူ အစိုးရမဟုတ်တဲ့ (NGO)ပညာရေးကူညီမှုအဖွဲ့တွေက ၀ိုင်းဝန်း ပံ့ပိုး ဆေင်၇ွက်ပေးကြရမှာ ဖြစ်တဲ့အပြင် နိုင်ငံတွင်းက လူမျိုးစုတွေရဲ့ ချစ်ခင်ရင်းနှီးစွာအတူတကွ ပူးပေါင်းနေထိုင်နိုင်ရေးအတွက် ကိုယ့် မိခင်ဘာသာ စကားနဲ့ နီးစပ်ရာတိုင်းရင်းသားတွေရဲ့ ဘာသာစကားတွေ ယဉ်ကျေးမှုတွေကို ပညာရေးထဲမှာ ထည့်သွင်း သင်ကြားပေးဖို့ လိုအပ်ပါတယ်။

မေငြိမ်း(၂၀၀၇)

Peace Education

ဒီနေ့ခေတ် ကမ္ဘာကြီးမှာ သိပ္ပံနဲ့နည်းပညာ ထွန်းကားလာတာနဲ့အမျှ အကောင်း ဘက်က ဖွံ့ဖြိုးတိုးတက်မှုတွေနဲ့အတူ အဆိုးဘက်မှာလည်း တိုးတက်လာတာ တွေ ရှိပါတယ်။ အဆိုးဘက်ဆီ ဦးတည်တဲ့ တိုးတက်မှုမှာ အကြမ်းဘက်ဝါဒ ပါလာရင်တော့ ကမ္ဘာကြီးရဲ့ အနာဂတ်က စိုးရိမ်စရာဖြစ်ပါတယ်။ အဲဒါကြောင့် လည်း ပညာရေးပညာရှင်အများစုက ကလေးတွေရဲ့ ပညာရေးကို ငြိမ်းချမ်းရေးအတွက် ပညာရေး (Peace Education) ပုံစံကို ပြင်ဆင်လာ ကြတာ ဖြစ်ပါတယ်။

တကယ်တော့ ကလေးတွေဆိုတာက ကျောင်းတက်တဲ့အရွယ်မှာ သူတို့ဝန်းကျင်က မြင်မြင်သမျှကို လေ့လာ မှတ်ယူပါတယ်၊ အတုယူပြီး လိုက်လုပ်ကြပါတယ်။ ဒါကြောင့် ပညာသင်ယူတဲ့အရွယ်မှာ ကလေးတွေရဲ့ ပညာရေးထဲမှာ ကိုယ်ကျင့်တရားကောင်းအောင်၊ စိတ်နေသဘောထား ကောင်းမွန်အောင် လမ်းညွှန်နိုင်တဲ့ သင်ခန်းစာတွေ ထည့်သင်ပေးကြရတာ ဖြစ်ပါတယ်။ ဘီစီ-၃၈၄မှာပေါ်ထွက်ခဲ့တဲ့ ဂရိအတွေးအခေါ်ပညာရှင် ကြီး Aristotle ကလည်း “ပညာရေးဆိုတာက လူသားတွေရဲ့ ကိုယ်ရည်ကိုယ်သွေးကို ပျိုးထောင်ပေးဖို့ တာဝန်ရှိတယ်” လို့ ပြောခဲ့ဖူးပါတယ်။ အဲသလိုပဲ နိုဗယ်ဆုရှင် ဗြိတိသျှ အတွေးအေခ်ါပညာရှင် Bertrand Russell ကလည်း “ပညာရေးဟာ ကမ္ဘာကို ဖွင့်လှစ်မယ့် သော့တချောင်း ဖြစ်တယ်”လို့ ပြောခဲ့ပါတယ်။

ဒါကြောင့်မို့ အနာဂတ်ကမ္ဘာမှာ တည်ငြိမ်အေးချမ်းနိုင်ဖို့အတွက် ကလေးတွေအတွက် ပညာရေးထဲမှာ လူသားအချင်းချင်း ချစ်ခင်ရင်းနှီးရေး၊ ကိုယ်ချင်းစာ သည်းခံတတ်လာစေရေးနဲ့ စွန့်လွှတ် အနစ်နာခံတတ်စေ ရေးကို ဦးတည်တဲ့ သင်ခန်းစာတွေ ထည့်ပေးထားရတာပဲ ဖြစ်ပါတယ်။ ကလေးတွေရဲ့ ပညာရေးထဲမှာ ငြိမ်းချမ်းရေးကို ဦးတည်တဲ့၊ ငြိမ်းချမ်းစွာ အတူယှဉ်တွဲနေထိုင်တတ်စေရေးကို ဦးတည်တဲ့၊ သင်ခန်းစာတွေ ထည့်ပေးထားတာကြောင့် အရွယ်ရောက်လာတဲ့အခါ သူတို့တွေဟာ ပဋိပက္ခနည်းတဲ့၊ အေးချမ်း တည်ငြိမ်တဲ့ လူ့အသိုင်းအ၀ိုင်းကို ဖန်တီးနိုင်မှာ ဖြစ်ပါတယ်။

အိန္ဒိယက ပညာရေးပညာရှင် Muttart ကတော့ ငြိမ်းချမ်းရေးအတွက် ပညာရေးပုံစံကို တည်ဆောက်မယ် ဆိုရင် စိတ်နှလုံးထဲမှာရှိနေတဲ့ ငြိမ်းချမ်းရေးကို အနှောက်အယှက်ဖြစ်စေနိုင်တဲ့ အတားအဆီးမှန်သမျှကို စွန့်လွှတ်ရမယ်၊ လူမျိုးရေး၊ ဘာသာရေးနဲ့ လိင်အဆင့်အတန်းခွဲတဲ့ သဘောထားတွေကိုလည်း စွန့်လွှတ်ရ မယ်လို့ ၁၉၈၇ခုနှစ်ကတည်းက အကြံပေးခဲ့ပါတယ်။ ဒါဟာ ငြိမ်းချမ်းရေးနဲ့ တရားမျှတရေးဆီ ဦးတည်တဲ့ ရည်ရွယ်ချက်ပဲ ဖြစ်ပါတယ်။

သေသေချာချာ ပြင်ဆင် ပြုစု တည်ဆောက်ထားတဲ့ Peace Education ဟာ ကလေးတွေကို အုပ်စုအဖွဲ့နဲ့ အလုပ်လုပ်ကိုင်တတ်စေပါတယ်။ ရန်လိုစိတ်၊ ဒေါသစိတ်တွေ နည်းပါးစေပါတယ်။ ဒီမိုကရေစီနည်းကျကျ နေထိုင်တတ်စေပါတယ်။ အဲဒီအပြင် ဖက်ဒရယ်နည်းကျကျ၊ လူမျိုးစုံ အတူယှဉ်တွဲနေထိုင်နည်းကိုပါ သိနားလည်လာနိုင်ပါတယ်။ အသွေးအရောင်အမျိုးမျိုး၊ ကွဲပြားတဲ့ လူတွေကို အဖွဲ့အစည်းတခုထဲမှာ မိသားစု ပုံစံနဲ့ အတူတူ နေထိုင်နည်းကိုလည်း တတ်မြောက်သွားစေပါတယ်။ ဒါဟာ အနာဂတ်ကမ္ဘာရဲ့ ငြိမ်းချမ်းရေးကို အများကြီး အထောက်အကူပြုနိုင်တဲ့ ပညာရေးပဲ ဖြစ်ပါတယ်။

မြန်မာနိုင်ငံဟာ ဒီမိုကရေစီစနစ်ကို အခြေခံတဲ့ ဖက်ဒရယ်ပြည်ထောင်စုကို တည်ထောင်မှာ ဖြစ်တဲ့အတွက် ပြည်ထောင်စုအတွင်းက တိုင်းရင်းသားတွေ အချင်းချင်း ညီညွတ်မှ၊ ရင်းနှီးသွေးစည်းမှပဲ အပေါ်မှာပြောခဲ့တဲ့ ငြိမ်းချမ်းရေးနဲ့ တရားမျှတမှုကို တည်ဆောက်နိုင်မှာ ဖြစ်ပါတယ်။ အဲဒီအတွက် အဓိက လိုအပ်ချက်ကတော့ ဘာသာစကား ပြဿနာပါပဲ။ တိုင်းရင်းသားတွေဟာ ဘာသာစကားချင်း နီးစပ်ရင်းနှီးမှပဲ ယဉ်ကျေးမှုနီးစပ်ပြီး၊ အထင်လွဲမှားနေမှုတွေ လျော့နည်းသွားမှာ ဖြစ်ပါတယ်။ အထူးသဖြင့် မြန်မာနိုင်ငံမှာ အစိုးရ အဆက်ဆက် သွေးခွဲအုပ်ချုပ်တာကိုခံခဲ့ကြရတဲ့ ဗမာအပါအ၀င် တိုင်းရင်းသားတွေအားလုံး အမှန်တကယ် စည်းလုံး ညီညွတ်ဖို့ အတွက်ဆိုရင် ဘာသာစကားဖလှယ်ရေး၊ ယဉ်ကျေးမှုဖလှယ်ရေးတွေဟာ အဓိကကျတဲ့၊ ဖြေရှင်းရမယ့် ပညာရေးထဲက ကိစ္စတွေပဲ ဖြစ်ပါတယ်။

ဥပမာ- ကရင်ပြည်နယ်က ကျောင်းတွေမှာ မြန်မာစာကို သင်ရသလိုပဲ၊ မိခင်ဘာသာ စကားဖြစ်တဲ့ ကရင်စာ၊ ကရင်ဘာသာစကားနဲ့ ယဉ်ကျေးမှုအပြင်၊ နယ်နိမိတ်ချင်း ထိစပ်နေတဲ့ မွန်ဘာသာစကား၊ မွန်စာ၊ မွန် ယဉ်ကျေးမှုတွေကိုပါ သင်ကြားရမှာ ဖြစ်ပါတယ်။ တကယ်တော့ ဖြစ်နိုင်ရင် ဒေသအလိုက် လိုအပ်ချက် အနေနဲ့ အနီးဆုံး အိမ်နီးချင်း နိုင်ငံတွေဖြစ်တဲ့ ထိုင်း၊ အိန္ဒိယ၊ တရုတ်နိုင်ငံတွေရဲ့ ဘာသာစကားတွေကိုတောင် သင်ကြားသင့်တာပါ။ ဒါမှပဲ အချင်းချင်း ရင်းနှီးကျွမ်းဝင်မှု ပိုရလာနိုင်တဲ့အတွက် အကျိုးစီးပွား စပ်တူ လုပ်ငန်းတွေကို အလွယ်တကူ လုပ်ကိုင်လာနိုင်မှာ ဖြစ်သလိုပဲ၊ တခြားသော မလိုလားအပ်တဲ့ ပြဿနာတွေကို ကာကွယ်ပြီးသားလည်း ဖြစ်သွားနိုင် ပါတယ်။ ဒီနေရာမှာ စင်္ကာပူနိုင်ငံဟာ အတုယူစရာဖြစ်ပါတယ်။

ဒါကလည်း Peace Education ပုံစံကို ဦးတည်တာဖြစ်သလို၊ အနာဂတ်ကမ္ဘာကို ဖွင့်လှစ်မယ့် သော့တစ်ချောင်း ကို ဖန်တီးလိုက်တာလည်းပဲ ဖြစ်ပါတယ်…။

မေငြိမ်း
၂၀၀၇။

အမျိုးသားပညာရေးနဲ့ အစိုးရရဲ့တာဝန်

အမျိုးသားပညာရေးရဲ့ ဦးတည်ချက်က ကိုယ့်နိုင်ငံထဲမှာရှိတဲ့ လူမျိုးမရွေး ဘာသာမရွေး၊ ကိုယ်လက်အဂါင်္ အာရုံ တပါးပါးချို့တဲ့နေတဲ့ ကလေးတွေ အပါအ၀င် ကလေးတိုင်း ထိရောက်တဲ့ ပညာရေးကို သင်ယူနိုင်ဖို့အတွက် အစိုးရက ဦးစီးပြီး ဆောင်ရွက်ပေးတာ ဖြစ်ပါတယ်။

အမျိုးသားပညာရေးနဲ့ပတ်သက်ရင် အမေရိကန်နိုင်ငံ ၀ါရှင်တန်ဒီစီမှာ အခြေစိုက်တဲ့ National Education Association ဆိုတဲ့ အဖွဲ့အစည်းကြီးက ထင်ရှားပါတယ်။ အမျိုးသားပညာရေးအတွက် ကူညီဆောင်ရွက်နေတဲ့ NEA လို့ အတိုကောက်ခေါ်နိုင်တဲ့ အဲဒီအဖွဲ့ကြီးဟာ ၁၈၅၀ခုနှစ်များ ကတည်း က အစပျိုး ဖွဲ့စည်း တည်ထောင်ခဲ့တာ ဖြစ်ပြီး ခုချိန်မှာတော့ အသင်းဝင် ပေါင်း ၃ဒဿမ ၂သန်း ရှိပါတယ်။ အဲဒီအဖွဲ့ကြီးထဲမှာ ကမ္ဘာတ၀ှမ်းက အမျိုးသားပညာရေး လှုပ်ရှားဆောင်ရွက်သူတွေက ဌာနခွဲတွေအနေနဲ့ ပူးပေါင်းပါဝင်ပြီး ပညာရေးဆိုင်ရာ ဖွံ့ဖြိုးတိုးတက်ရေးလုပ်ငန်းတွေ လုပ်နေကြပါတယ်။ မူကြိုတန်းကနေစပြီး တက္ကသိုလ်ဘွဲ့ရတန်းတွေအထိ ပညာရေးအတွက် အထွေထွေလိုအပ်ချက်တွေကို ကူညီပံ့ပိုးပေးတဲ့ လူထု ပညာရေးကို ဆောင်ရွက်နေတာဖြစ်ပါတယ်။

အဲဒီအဖွဲ့အစည်းကြီးက ပညာရေးစီမံကိန်းရေးဆွဲတာကအစ၊ ဆရာဆရာမတွေကို လေ့ကျင့်သင်တန်းပေးတာ၊ သင်ရိုးရေးဆွဲတာ၊ ပညာရေးဆိုင်ရာ မွမ်းမံပြင်ဆင်မှုလုပ်တာတွေ၊ စီမံခန့်ခွဲရေးတွေလို ပညာရေးနဲ့ ပတ်သက် သမျှ လိုအပ်တာတွေကို နိုင်ငံတကာက ပညာရေးဆိုင်ရာ ပညာရှင်တွေနဲ့ တိုင်ပင်ညှိနှိုင်းပြီး ကူညီ ဆောင်ရွက် ပေးပါတယ်။ အဲလိုလုပ်ကိုင်ရာမှာ NEA ဟာ အစိုးရအဖွဲ့အစည်းတွေနဲ့ရော အစိုးရမဟုတ်တဲ့ အဖွဲ့အစည်း NGO တွေကိုပါ လိုအပ်တဲ့ အကူအညီတွေပေးကြဖို့၊ စည်းရုံးလှုံ့ဆော်ပြီးတော့ ဆက်သွယ် ဆက်စပ်ပြီး လုပ်ဆောင် ကြပါတယ်၊။ အဲဒီမှာ အစိုးရကရော ပုဂ္ဂလိကလုပ်ငန်းရှင်တွေကပါ ငွေကြေးကစပြီး လိုအပ်တာတွေကို ၀ိုင်းဝန်း ကူညီ ပံ့ပိုးပေးကြပါတယ်။ ဒါကြောင့်လည်း NEA အဖွဲ့ကြီးဟာ ထိရောက် အောင်မြင်တဲ့ အမျိုးသားပညာရေးအတွက် ဆောင်ရွက်ချက်တွေ အများကြီး ဆောင်ရွက်နိုင်ခဲ့ပြီး ဖြစ်ပါတယ်။ NEA အဖွဲ့ကြီးဟာ အမျိုးသား ပညာရေးကို အလေးဂရုပြုလှတဲ့အတွက် National teachers day လို့ ဂုဏ်ပြု သတ်မှတ် ထားတဲ့ မေလ ၈ရက်နေ့မှာ အမျိုးသားပညာရေး ဆောင်ရွက်နေတဲ့ ဆရာဆရာမတွေကို ခမ်းခမ်းနားနား ဂုဏ်ပြုပွဲတွေ လုပ်ပြီး လက်ဆောင်ပစ္စည်းတွေ ပေးပါတယ်။

ပညာရေးမှာ အစိုးရရဲ့ ပံ့ပိုးကူညီမှုအများကြီးရတယ်လို့ဆိုနိုင်တဲ့ အမေရိကန်နိုင်ငံမှာတောင် အမျိုးသား ပညာရေးကို ပံ့ပိုးတဲ့ သီးခြား အဖွဲ့အစည်းတွေကို လိုအပ်နေတာ တွေ့နိုင်ပါတယ်။ ဒါဟာ အစိုးရက ဖြည့်ဆည်း မပေးနိုင်လို့ တာဝန်ဝင်ယူရတာမျိုးမဟုတ်ဘဲ ကိုယ့်နိုင်ငံတွေရဲ့ပညာရေးကို ပိုကောင်းသထက် ကောင်းလာ အောင် ၀ိုင်းကူကြတာမျိုးသာ ဖြစ်ပါတယ်။ တနည်းပြောရရင်တော့ အမျိုးသားပညာရေးအတွက် လူတိုင်းမှာ နိုင်ငံသားတိုင်းမှာ တာဝန်ရှိတယ်ဆိုတာကို သိသာ ထင်ရှားစေတဲ့ အချက်ပဲ ဖြစ်ပါတယ်။ အထူးသဖြင့်တော့ ‘၂၁ရာစုရဲ့ ကမ္ဘာလုံးဆိုင်ရာ ဖြစ်စဉ်မှာ ပညာရေးကသာ အဓိကသော့ချက်ဖြစ်တယ်’ လို့ ပညာရှင်တွေ အားလုံး က တညီတညွတ်တည်း သတ်မှတ်ဆုံးဖြတ်ထားတဲ့ ခုလိုအချိန်မျိုးမှာ အမျိုးသားပညာရေးဟာ ပြည်သူလူထု တရပ်လုံး ပါဝင်ဆောင်ရွက်ရမယ့် အရေးတကြီး လုပ်ငန်းကြီးဖြစ်ပါတယ်။

ကမ္ဘာ့ပညာရေးပညာရှင်တွေက ခုနောက်ပိုင်းမှာ ပညာရေးဦးတည်ချက်အနေနဲ့ ကလေးတွေရဲ့ ပညာရေးထဲ မှာ ကလေးတွေကို သူတို့ရဲ့ နိုင်ငံသားဖြစ်မှုကို နားလည်အောင်၊ ပကတိ အမှန်တရား Universal truth ကို လက်ခံတတ်အောင်၊ သဘာဝ ပတ်ဝန်းကျင်ကို တန်ဖိုးထားတတ်အောင်၊ လူ့အခွင့်အရေးနဲ့ တရားမျှတမှုကို လေးစားတတ်အောင်၊ ရေရှည် တည်တံ့နိုင်တဲ့ ဖွံ့ဖြိုးတိုးတက်မှု (Sustainable Development)ကို နားလည်အောင် သင်ကြားပေးဖို့ ဆိုတာတွေကို ထည့်သွင်း စဉ်းစားလာပါတယ်။ အဲဒီအပြင်၊ စာသင်သားတွေ အနေနဲ့ လူမျိုးစုံဘာသာစုံ ချစ်ချစ်ခင်ခင်နဲ့ အတူတကွပူးပေါင်းယှဉ်တွဲ နေထိုင်နိုင်ရေးအတွက် ငြိမ်းချမ်းတဲ့ ပညာရေး (Peace Education)ဆီကိုလည်း ဦးတည်လာတာ တွေ့ရပါ တယ်။ ဒါဟာလည်း ကမ္ဘာလုံးဆိုင်ရာ ငြိမ်းချမ်းရေးအထိ ရည်ရွယ်တဲ့ အမျိုးသားပညာရေးပုံစံလို့ ဆိုနိုင်ပါတယ်။

တကယ်တော့ ကိုယ့်နိုင်ငံရဲ့ ပညာရေးတိုးတက်ဖွံ့ဖြိုးဖို့ အတွက်ဆိုရင် ၀ိုင်းဝန်းကူညီကြမယ့် အသင်းအဖွဲ့တွေကို အစိုးရကိုယ်တိုင်က လက်ခံပြီး အတူတကွ ပူးပေါင်းဆောင်ရွက်ဖို့ လိုအပ်လှပါတယ်။

မေငြိမ်း
၂၀၀၇။

မြန်မာနိုင်ငံနဲ့ အမျိုးသားပညာရေး

အမျိုးသားပညာရေးဆိုတာဟာ အဓိကကတော့ ကိုယ့်နိုင်ငံရဲ့လိုအပ်ချက်တွေနဲ့ ကိုက်ညီပြီး ကမ္ဘာလုံးဆိုင်ရာ တိုးတက်မှုဖြစ်စဉ်တွေကိုလည်း အမီလိုက်နိုင်တဲ့ ပညာရေးမျိုးဖြစ်ဖို့အတွက် အစိုးရက ကူညီ ကိုင်တွယ် ပေးတာပါပဲ။ ဒီနေရာမှာ ကိုယ့်နိုင်ငံရဲ့ လိုအပ်ချက်ဆိုတာမှာ ဘာသာစကား၊ အနုပညာ နဲ့ ယဉ်ကျေးမှု အစဉ်အလာ၊ ဘာသာရေး ဓလေ့ထုံးစံတွေကို သေသေချာချာ သိဖို့၊ ထိန်းသိမ်းဖို့ဆိုတာတွေ ပါကောင်း ပါနိုင်ပါ တယ်။ အဲဒီ အပြင် ကိုယ့်နိုင်ငံရဲ့ ဦးတည်ရာလမ်းကြောင်းပေါ် မူတည်ပြီးတော့လည်း ကလေးတွေရဲ့ ပညာရေး ကို ခေတ်နဲ့ အမီ လိုက်နိုင်အောင် ရေးဆွဲ ဖန်တီးကြရပါတယ်။

အမျိုးသားပညာရေးနဲ့ပတ်သက်ရင် သီးခြား ထီးတည်းနေလေ့ရှိပြီးတော့ ပညာရေးမှာ ခိုင်မာတဲ့ အခြေခံမူရှိပြီး သားလည်းဖြစ်တဲ့ အင်္ဂလန်နိုင်ငံတောင်မှပဲ ၁၈၀၀ခုနှစ်နောက်ပိုင်း၊ ဥရောပဘက်ခြမ်းမှာ အမျိုးသားပညာရေး ကို ဦးတည်လုပ်လာတဲ့ အခါမှာတော့ သူလည်း လိုက်ပြီး ပြောင်းလဲပြုပြင်ရေး လုပ်ရပါတော့တယ်။ အင်္ဂလန် အစိုးရ ပါလီမာန်က ၁၈၅၆ခုနှစ်လောက်မှာ အခြေခံပညာရေးအဆင့်ကို ၀င်ပြီး ကူညီ ပံ့ပိုးပေးလာပါတယ်။ အထူးသဖြင့် ၁၈၈၉မှာ ပညာရေးအကြံပေး ဘုတ်အဖွဲ့ ဖွဲ့ပြီး အခြေခံအဆင့်မြင့်တန်းတွေနဲ့ စက်မှုလက်မှု ပညာရေးတွေအတွက် ရှေ့ဆောင်လမ်းညွှန်မှုတွေ လုပ်လာရာကနေ အမျိုးသားပညာရေးဘက်ကို တဖြည်းဖြည်း တည်ဆောက်လာတာပါ။ အင်္ဂလန်နိုင်ငံပညာရေးရဲ့ ဦးတည်ချက်ကတော့ အခြေခံလူထုကို ပညာချစ်တတ်လာအောင် ပညာရေးကို စိတ်ဝင်စားလာအောင် အစိုးရက ကူညီပေးပြီး၊ တက္ကသိုလ်အဆင့် ရောက်ရင်တော့ တဦးချင်းစီရဲ့ ကိုယ်ပိုင်လွတ်လပ်ခွင့် နဲ့ သင်ယူခွင့်ကို အပြည့်အ၀ ပေးထားပါတယ်။

အမေရိကန်နိုင်ငံမှာဆိုလည်း မူလတန်းအဆင့်ှမှာကိုပဲ ကလေးတွေဟာ သူတို့နိုင်ငံနဲ့သက်ဆိုင်တဲ့ နိုင်ငံရေး၊ စီးပွားရေး၊ အုပ်ချုပ်ရေးဆိုင်ရာတွေကို အကြမ်းဖျဉ်းကနေစပြီး သင်ကြရပါပြီ။ ပြီးတော့ အမေရိကန်နိုင်ငံဟာ ပြည်ထောင်စုနိုင်ငံဖြစ်တဲ့အတွက် အခြေခံပညာမှာ သက်ဆိုင်ရာဒေသအလိုက် ကိုယ့်ဒေသနဲ့ပတ်သက်တဲ့ အချက်အလက်တွေနဲ့ အားသာချက် အားနည်းချက်တွေကို ပထ၀ီဝင်နိုင်ငံရေးအနေနဲ့ သင်ကြရပါတယ်။ ကျောင်းသားနဲ့ဆရာ အပြန်အလှန် ဆွေးနွေးဝေဖန်ရင်းကနေ ကျောင်းသားတွေဟာ ကိုယ့်နိုင်ငံရဲ့ လိုအပ်ချက် တွေကို သုံးသပ်နိုင်တဲ့ အလေ့အကျင့်တွေ ရသွားကြပါတယ်။ ဒါဟာ၊ အနည်းဆုံးတော့ သူ့နိုင်ငံအတွက် နိုင်ငံသားကောင်း ဖြစ်လာအောင် ပျိုးထောင်ပေးနိုင်တဲ့ ပညာရေးပါပဲ။

စင်္ကာပူနိုင်ငံကတော့ နည်းပညာ ဖွံ့ဖြိုးတိုးတက်မှုကြောင့် ကျောင်းသားတွေဟာ ရုပ်ဝတ္ထုပိုင်းမှာ အားကောင်း လာတာကြောင့် စိတ်ပိုင်းနဲ့ ကိုယ်ကျင့်တရားစွမ်းရည်ပိုင်းတွေမှာ အားနည်းလာမှာစိုးတဲ့အတွက် အစိုးရက ၂၀၀၅ခုနှစ် နောက်ပိုင်းကစပြီး အခြေခံပညာရေး ထဲမှာ သိပ္ပံနည်းပညာနဲ့အတူ Moral Education အဖြစ် ကိုယ်ကျင့်တရားဆိုင်ရာနဲ့ ရသဆိုင်ရာတွေကို အားပေးသင်ကြားဖို့ မူ ချမှတ်လိုက်ပါတယ်။ တချိန်တည်းမှာပဲ စင်္ကာပူနိုင်ငံဟာ သူတို့တိုင်းပြည်ကို နည်းပညာတိုင်းပြည်အဖြစ် ထူထောင်နေတာမို့လို့ ကျောင်းပညာရေးမှာ နည်းပညာပိုင်းကိုလည်း အစွမ်းကုန် အားပေးနေတာ တွေ့ရပါတယ်။ ဥပမာအဖြစ် ပြောပြရရင် စင်္ကာပူနိုင်ငံမှာ မူလတန်း Grade-4 အဆင့်က ကလေးဟာ စက်ရုပ်ရဲ့ ဖွဲ့စည်းပုံအကြောင်းတွေ၊ Computer Programming တွေ သင်နေရပါပြီ။ ဒါဟာ သူ့နိုင်ငံရဲ့ လိုအပ်ချက်အရ တည်ဆောက်ထားတဲ့ အမျိုးသား ပညာရေးပါပဲ။

မြန်မာနိုင်ငံရဲ့ အခြေခံပညာရေးမှာကတော့ ပြဌာန်းထားတဲ့ ဘာသာရပ်တော်တော်များများဟာ ၁၉၆၄ခုနှစ် ကတည်းက အတည်ပြုပြဌာန်းခဲ့တဲ့ သင်ရိုးတွေ ခေါင်းစဉ်တွေသာ ဖြစ်နေဆဲပါ။ တချို့သင်ခန်းစာတွေဟာ ခေတ်နဲ့ မလျော်ညီတော့တဲ့အပြင် လက်တွေ့လည်း အသုံးချလို့မရတော့တဲ့ သင်ခန်းစာတွေပါ။ အဲဒီအပြင် ပြဌာန်းစာတွေကို ဆန်းသစ်အောင် ပြင်ဆင်မွမ်းမံတာမျိုး တိုးချဲ့သင်ကြားတာမျိုးလည်း မရှိသေးပါဘူး။ နိုင်ငံအာဏာပိုင်နဲ့ ပညာရေးဝန်ကြီးဌာနက အိုင်တီပညာရေးလို့ ကြွေးကြော်ထားပေမဲ့ လက်တွေ့မှာတော့ နိုင်ငံရဲ့လိုအပ်ချက်နဲ့ ကိုက်ညီပြီး အိုင်တီခေတ်နဲ့ သင့်တော်တဲ့ သင်ရိုးတွေ သင်ခန်းစာတွေ အသစ် တိုးချဲ့ ရေးဆွဲတာ ပြင်ဆင်ရေးဆွဲတာတွေ မတွေ့ရပါဘူး။ အာဏာပိုင် အစိုးရကလည်း နိုင်ငံရေးဆန်ဆန် ၀င်ရောက် စွက်ဖက်တာမျိုးသာရှိပြီး၊ ပံ့ပိုးကူညီတာမျိုး မရှိတာကြောင့် အမျိုးသားပညာရေးစနစ် တည်ဆောက် နေတယ် လို့ မပြောနိုင်ပါဘူး။

ဒါ့အပြင် သတင်းအချက်အလက်နဲ့ နည်းပညာခေတ်မှာ မြန်မာနိုင်ငံက ကျောင်းသားတွေဟာ တကယ်စစ်မှန်တဲ့ သိသင့်သိထိုက်တဲ့ ကမ္ဘာ့အရေးတွေကို သိခွင့်မရတဲ့အပြင် ကိုယ့်နိုင်ငံရဲ့၊ ကိုယ့်ပြည်နယ် ကိုယ့်ဒေသရဲ့ မျက်မှောက် လက်ရှိအနေအထားကိုတောင်မှ အမှန်အတိုင်း သိခွင့်မရကြပါဘူး။ ဒါကြောင့် မြန်မာနိုင်ငံက ကျောင်းသားတွေဟာ ဗဟုသုတအရာမှာ အလွန် အားနည်းနေကြရတာ ဖြစ်ပါတယ်။ အထူးသဖြင့် မြန်မာ့သမိုင်းဘာသာရပ် ကမ္ဘာ့သမိုင်းဘာသာရပ်တွေမှာ အာဏာပိုင်တို့အလိုကျ အလွန်ရှေးကျတဲ့ သမိုင်းတွေ ကိုသာ သင်ယူနေကြရပြီးတော့ မျက်မှောက်ခေတ်နဲ့ နှိုင်းယှဉ်ပြီး သုံးသပ် ဆွေးနွေးစဉ်းစားရတာမျိုးတွေ မလုပ်ရတာကြောင့်လည်း ကျောင်းသားအများစုဟာ ဆင်ခြင်တွေးခေါ် နိုင်စွမ်းမှာပါ အားနည်းလာကြရပါတယ်။

ပိုဆိုးတာကတော့ ခုချိန်ထိ မြန်မာနိုင်ငံပညာရေးထဲမှာ မျက်မှောက်အိုင်တီခေတ်နဲ့ ကိုက်ညီတဲ့ သင်ရိုးတွေ ပြဋ္ဌာန်းစာတွေ မရှိသေးတာပဲ ဖြစ်ပါတယ်။ အဲဒီလို ခေတ်ကို ကိုယ်စားပြုနိုင်တဲ့စာတွေ မသင်ရတဲ့အပြင် ဘာသာရေးနဲ့ ယဉ်ကျေးမှုပိုင်းကို သင်ပြန်တော့လည်း တကယ့်တကယ် သင်ကြားပေးနေတဲ့ ဆုံးမစာတွေ နီတိတွေဟာ ကလေးတွေ လူငယ်တွေကို ငြိမ်ဝပ်ပိပြားနေအောင်၊ အမိန့်နာခံတတ်အောင် ပုံသွင်းတဲ့ အဆိုအမိန့်တွေသာ ဖြစ်နေပါတယ်။

ထိုင်းနိုင်ငံနဲ့ပဲ နှိုင်းယှဉ် ဥပမာပေးရရင် ထိုင်းနိုင်ငံဟာ ကျောင်းပညာရေးထဲမှာ သူတို့ရဲ့ ဘာသာရေး၊ ယဉ်ကျေးမှု ထုံးတမ်းစဉ်လာတွေနဲ့ ဘုရင်မင်းမြတ်နဲ့ သူ့မိသားစုတွေရဲ့ ကြီးကျယ်မြင့်မြတ်ပုံအကြောင်းတွေကို ထဲထဲဝင်ဝင် ထည့်သင်သလိုပဲ၊ ခေတ်မီ အိုင်တီနည်းပညာကိုလည်း တပါတည်း ပူးတွဲသင်ပေးနေတာမျိုး ရှိနေပါတယ်။ အဲဒီအပြင်၊ သူတို့နိုင်ငံရဲ့ စီးပွားရေး၊ နိုင်ငံရေး၊ အုပ်ချုပ်ရေးပုံစံတွေကိုလည်း ထည့်သင်ပေးတာ တွေ့ရပါတယ်။ အစိုးရအနေနဲ့လည်း Office of National Education Commission လို့ ဌာနတခု သီးသန့်ထားပြီး အမျိုးသားပညာရေးကို ထိထိရောက်ရောက် ဆောင်ရွက်နေပါတယ်။

တကယ်တော့ အမျိုးသားပညာရေးကို တိုးတက်အောင် တည်ဆောက်နေတဲ့ နိုင်ငံတိုင်းဟာ စာသင်သားတွေကို အနည်းဆုံးတော့ ကိုယ့်နိုင်ငံ ကိုယ့်ဒေသအကြောင်း တိတိကျကျ သေသေချာချာ သိထားရအောင် ပညာရေး ထဲမှာ ထည့်သွင်း သင်ကြားကြတာချည်းပါပဲ။ ဒါမှပဲ ကလေးတွေ လူငယ်တွေအနေနဲ့ တချိန်မှာ တိုင်းပြည်ကို ထိန်းသိမ်း အုပ်ချုပ်တဲ့အခါ ကျွမ်းကျွမ်းကျင်ကျင် ပိုင်ပိုင်နိုင်နိုင် ကိုင်တွယ် အုပ်ချုပ်နိုင်မှာ ဖြစ်ပါတယ်။

မေငြိမ်း (၂၀၀၇)

အမျိုးသားပညာရေးစနစ်

မြန်မာနိုင်ငံရဲ့ အဘက်ဘက်က ဆုတ်ယုတ်နေရတဲ့ အခြေခံ အကြောင်းရင်း ဟာ အုပ်ချုပ်သူတွေ ကိုယ်တိုင်က စစ်မှန်တဲ့ ပညာရေး ရထားတာမျိုး မရှိတဲ့အပြင် တကယ့် ပညာရှင်၊ ပညာရှိတွေကိုလည်း နေရာပေး အသုံးချ ခြင်း မရှိလို့ပဲလို့ ပြောနိုင်ပါတယ်။ ဒါဟာ တနည်းအားဖြင့်တော့ အမျိုးသား ပညာရေးစနစ် (National Education System)မှာ အားနည်းနေတာပဲ ဖြစ်ပါတယ်။

အမျိုးသားပညာရေးစနစ်ဆိုတာက အုပ်ချုပ်တဲ့အစိုးရက ဦးဆောင်ပြီး ကိုယ့်နိုင်ငံသားတွေကို တတ်သင့် တတ်အပ်တဲ့ ပညာတွေ ဖြန့်ဖြူးပေးတဲ့ စနစ်ပါ။ နိုင်ငံတနိုင်ငံ ထူထောင်ရေးမှာ အမျိုးသားပညာရေးစနစ်က ဘယ်လောက် အရေးပါတယ်ဆိုတာကို ပြောရရင် ကမ္ဘာ့သမိုင်းမှာ အထင်အရှားရှိခဲ့တဲ့ ပရပ်ရှား ကျောင်းဆရာ တွေရဲ့ အောင်ပွဲလို့ ကျော်ကြားတဲ့ Victory of Prussians school masters ဆိုတဲ့ တိုက်ပွဲရလဒ်ကို သက်သေပြပြီိး ပြောချင်ပါတယ်။ အဲဒီတိုက်ပွဲက ၁၈ရာစုအစောပိုင်းကာလမှာ ပရပ်ရှားက ပြင်သစ်ကို အနိုင်ရခဲ့တဲ့ တိုက်ပွဲပါ၊

တချိန်တုန်းက ပရပ်ရှားနိုင်ငံဆိုတာဟာ အခု ဂျာမနီနိုင်ငံပါပဲ။ အဲဒီတုန်းက ပရပ်ရှားနို်င်ငံကို ၁၇၁၃ခုနှစ်ကနေ ၁၇၄၀ခုနှစ်ထိ အုပ်စိုးခဲ့တဲ့ Fredrick William ဘုရင်ဟာ သူ့လက်ထက်မှာ စစ်တပ်အင်အား၊ စီးပွားရေး အင်အားတောင့်တင်းခိုင်မာအောင် လုပ်နိုင်ခဲ့ရုံသာမကဘဲ ၁၇၁၇ ခုနှစ်က စပြီးတော့ ပရပ်ရှားနိုင်ငံ ပညာရေးကို အမျိုးသား ပညာရေးအဖြစ် ထူထောင်ခဲ့ပါတယ်။ ဒါပေမဲ့ အဲဒီ အချိန်မှာတုန်းကတော့ အားကောင်း တဲ့ ပညာရေး ဖြစ်မလာသေးပါဘူး။

ပြင်သစ်ဘုရင်နပိုလီယံလက်ထက် ၁၈၀၆ခုနှစ်မှာတော့ ပရပ်ရှားနဲ့ ပြင်သစ်တို့ စစ်ဖြစ်ပြီး ယေနားမြို့ (Jena) စစ်ပွဲမှာ ပရပ်ရှားတွေ စစ်ရှုံးပါတယ်။ အဲဒီစစ်ပွဲကို Disaster of Jena လို့ ပရပ်ရှားတွေက ခေါ်ကြပါတယ်။ အဲဒီစစ်ပွဲမှာ သူတို့ ဥာဏ်ပညာနည်းလို့ ရှုံးရတယ်လို့ ပရပ်ရှားတွေက ယူဆကြပါတယ်။ အဲဒီအခါ တနိုင်ငံလုံးအတိုင်းအတာနဲ့ ပညာတတ်ဖို့ လိုပြီလို့ ဆုံးဖြတ်ပြီး ပရပ်ရှားတွေဟာ အမျိုးသားပညာရေးကို အားသွန်ခွန်စိုက်တည်ဆောက်တော့တာပါပဲ။

အဲလိုနဲ့ နောက်ထပ် နှစ်ပေါင်း၆၄နှစ်အကြာ တတိယနပိုလီယံလက်ထက်မှာ ပြင်သစ်နဲ့ ပရပ်ရှားတို့ စစ်ပွဲ ထပ်ဖြစ်တဲ့အခါမှာတော့ ဆီဒန်းမြို့တိုက်ပွဲမှာ ပရပ်ရှားက အနိုင်ရသွားပါတော့တယ်။ ပြင်သစ်ရဲ့ တတိယမြောက် နပိုလီယံဘုရင်က လက်နက်ချလိုက်ရပါတယ်။ အဲဒီ အောင်ပွဲကို Victory of Prussians school masters လို့ခေါ်တာပါ။ နောက်ပိုင်းမှာတော့ ပရပ်ရှားတွေက သူတို့ စစ်နိုင်ရတာ ပညာဥာဏ် ကြောင့်ပဲလို့ ပိုလက်ခံသွားပြီး ပညာရေးပြုပြင်တည်ဆောက်မှုတွေကို စဉ်ဆက်မပြတ် လုပ်တော့တာပါပဲ။ ပညာရေးရဲ့ အရေးပါမှုကို ဂျာမန်လူမျိုးတွေက အဲဒီ ၁၉ရာစု အစောပိုင်းကာလကတည်းက သိခဲ့ပြီလို့ ဆိုရမှာပါ။ ဒါ့ကြောင့်ပဲ အမျိုးသားပညာရေးစနစ်ကို စခဲ့တာ ဂျာမနီနိုင်ငံလို့တောင် ဆိုနိုင်ပါတယ်။ ခုဆိုရင်တော့ ဂျာမနီနိုင်ငံဟာ ဥရောပမှာ ထိပ်တန်းရောက်တဲ့ နိုင်ငံအဖြစ် နေရာယူလာနိုင်တာ တွေ့နေရပြီ ဖြစ်ပါ တယ်။

ဒီကနေ့ အောင်မြင်မှုအရာမှာ ထိပ်ပိုင်းကပဲ ရှိနေတဲ့ ဂျပန်နိုင်ငံဟာလည်း အမျိုးသားပညာရေးကို တည်ဆောက်ထားတဲ့ နိုင်ငံပဲ ဖြစ်ပါတယ်။ ဂျပန်နိုင်ငံရဲ့ အမျိုးသားပညာရေးတည်ဆောက်ပုံကတော့ အစိုးရက ပညာရေးကို ဦးဆောင်တယ် ဆိုပေမဲ့ အစိုးရက ပညာရေးအတွက် အခြေခံမူဝါဒနဲ့ သင်ရိုးအညွှန်းဘောင် တွေလောက်ကိုပဲ သတ်မှတ်ပေးပါတယ်။ သင်ရိုးအသေးစိတ်နဲ့ သင်ကြားနည်း စနစ်ပိုင်းဆိုင်ရာတွေကိုတော့ သက်ဆိုင်ရာဒေသအလိုက် မြို့အလိုက် ကျောင်းအလိုက် ပညာရေးပညာရှင်တွေက သင့်တော်သလို ရေးဆွဲ ရပါတယ်။ အစိုးရက ပညာရေးစနစ်ကို ကူညီပံ့ပိုး ထိန်းသိမ်းပေးတဲ့ အနေအထားမှာပဲ နေပြီးတော့ ပညာရှင်တွေကိုသာ ဦးဆောင်လုပ်ပိုင်ခွင့်အပြည့် ပေးထားတဲ့ သဘောပါပဲ။

အဲဒီအခါမှာ ဒေသအလိုက် အခြေခံပညာကျောင်းတွေက ပြဋ္ဌာန်းစာတွေကို သူ့ထက်ငါ ကောင်းသထက် ကောင်းအောင် အပြိုင်အဆိုင် ရေးဆွဲ သင်ကြားကြပါတယ်။ ဒါဟာ၊ ပညာရေးကို ကောင်းသထက် ကောင်းအောင် တွန်းအားပေးသလိုလည်း ဖြစ်တဲ့အတွက် ဂျပန်နိုင်ငံဟာ ပညာရေးအရာမှာ နောက်ကျ မကျန်ခဲ့တာ ဖြစ်ပါတယ်။ အဲဒီအပြင်၊ သင်ရိုးတွေမှာ ဒေသအလိုက် လိုအပ်ချက်(Local needs)တွေကို ထည့်သင်ခွင့် ရတာကြောင့်လည်း ကျောင်းသားတွေဟာ အခြေခံပညာရေးကတည်းက ကိုယ့်နိုင်ငံ ကိုယ့်ဒေသ ရဲ့ အားသာချက် အားနည်းချက်တွေကို သေသေချာချာ သိခွင့်ရသွားပြီး အထက်တန်း ပညာရေး ရောက်တဲ့ အခါ ကိုယ့်ဒေသအတွက် လိုအပ်တဲ့ ဘာသာရပ်တွေကို ရွေးချယ်သင်ကြားခွင့် ရသွားကြပါတယ်။ ဒါဟာ တိုင်းပြည်ပြုပြင် တည်ဆောက်ရေးအတွက် တကယ်လိုအပ်တဲ့ အရေးပါတဲ့ ကျောင်းပညာရေးပုံစံပါပဲ။ အမျိုးသားပညာရေးစနစ်ကောင်းတခုလည်း ဖြစ်ပါတယ်။

မြန်မာနိုင်ငံမှာကတော့ ပညာရေးကို အစိုးရကသာ လုံးဝ ချုပ်ကိုင်ထားပါတယ်။ အခြေခံပညာကနေ စပြီး တက္ကသိုလ်ပညာရေးအထိ အစိုးရရဲ့ ထိန်းချုပ်မှုအောက်မှာသာ ရှိနေပါတယ်။ ပညာရေးအာဏာပိုင် တွေမှာ ဘာလုပ်ပိုင်ခွင့်မှ မရှိတဲ့အပြင် ပြဋ္ဌာန်းစာတွေထဲမှာ အစိုးရက ၀ါဒဖြန့်တဲ့ အကြောင်းအရာမှား တွေကို ထည့်သင်တာမျိုးဟာလည်း ပညာရေးစနစ်နဲ့ မသင့်တော်တဲ့ အချက်ဖြစ်ပါတယ်။ အဲဒီအပြင၊် ကိုယ့်နိုင်ငံရဲ့ အားနည်းချက် ချို့ယွင်းချက်တွေကို သင်ခွင့်မရတဲ့အတွက်ကြောင့်လည်း နောင်အနာဂတ်မှာ တိုင်းပြည်ကို ထူထောင်ရမယ့် ကျောင်းသားတွေဟာ ကိုယ့်နိုင်ငံရဲ့ တကယ့်လိုအပ်ချက်တွေကို မသိတဲ့ သူတွေအဖြစ်နဲ့ ကြီးပြင်းသွားကြရပါတယ်။ ဒါဟာ အနာဂတ်နိုင်ငံ တည်ဆောက်ရေးအတွက်တော့ ပျော့ကွက် ဟာကွက်ကြီး တခုပဲ ဖြစ်ပါတယ်။

အခု ကမ္ဘာမှာ တိုးတက်နေတယ်ဆိုတဲ့ နိုင်ငံတိုင်းဟာ သူတို့နိုင်ငံအတွက် အမှန်တကယ်လိုအပ်တဲ့ သင့်လျော် ကောင်းမွန်တဲ့ ပညာရေးစနစ်ကို တည်ဆောက်ပြီး တနိုင်ငံလုံးအတိုင်းအတာနဲ့ ပညာတတ်အောင် ဆောင်ရွက် မှုတွေကြောင့်သာ ဖွံ့ဖြိုးတိုးတက်နေတာ ဖြစ်ပါတယ်။ ပညာဥာဏ်မြင့်မားတဲ့ အစိုးရနဲ့ ပညာကောင်းကို ရထားတဲ့ နိုင်ငံသားတွေကသာ ကိုယ့်နိုင်ငံကို အောင်မြင် တိုးတက်တဲ့ နိုင်ငံတနိုင်ငံအဖြစ် ရေရှည် တည်ဆောက်နိုင် ထိန်းသိမ်းနိုင်မှာလည်း ဖြစ်ပါတယ်။ ဒါကြောင့်ပဲ၊ ကမ္ဘာတ၀ှမ်းက တိုးတက်တဲ့ နိုင်ငံတွေဟာ ပညာရှင်တွေကို အလုအယက် မွေးမြူနေကြတာပါ။ တနေ့ထက်တနေ့၊ တိုးတက်သထက် တိုးတက်တဲ့ သင်ရိုးတွေ၊ သင်ကြားနည်းစနစ်တွေ သင်ထောက်ကူပစ္စည်းတွေ ပညာရှင် ဆရာ ဆရာမ တွေကို သုံးပြီး ခေတ်မီပညာရေးဖြစ်အောင် တည်ဆောက်ပေးနေကြတာ တွေ့ရပါတယ်။ ဒါဟာ၊ တနည်းအားဖြင့်တော့ ကိုယ့်နိုင်ငံကို ခိုင်မာတဲ့ နိုင်ငံတခုအဖြစ် ရေရှည် တည်တံ့နိုင်အောင် တည်ဆောက်နေတာလည်းပဲ ဖြစ်ပါတယ်။

မေငြိမ်း(၂၀၀၇)

မြန်မာ့ပညာရေးနဲ့ တတိယလှိုင်း

မြန်မာနိုင်ငံရဲ့ ပညာရေးထဲမှာ စက်မှုပညာသင်ကြားနိုင်မှု မရှိသေးရုံသာမကဘဲ အိမ်တွင်းလက်မှုပညာ အဆင့် လောက်ကိုတောင် သေသေချာချာ သင်ကြားပေးတာမျိုး မရှိသေးပါဘူး၊။ ဒါပေမဲ့ မြန်မာနိုင်ငံရဲ့ လက်ရှိ အာဏာပိုင်တွေကတော့ “စက်မှုစွမ်းအား ခေတ်ကျော်လွှား” “ထုတ်ကုန်နှစ်ဆ တိုးမြှင့်ကြ” ဆိုတဲ့ ဆောင်ပုဒ် တွေကို ကျယ်ကျယ် လောင်လောင် ကြွေးကျော်နေကြပါတယ်။

တကယ်တော့ အဲဒီ ဆောင်ပုဒ်မှာပါတဲ့ ရည်ရွယ်ချက်မျိုးကို အနောက်ဥရောပနိုင်ငံတွေနဲ့ အမေရိကန်နိုင်ငံ တွေမှာ ၁၈၈၀မတိုင်မီ ကာလတွေလောက်ကတည်းက တောက်လျှောက် စနစ်တကျ အကောင်အထည် ဖေါ်ခဲ့တာပါ။ တိုးတက်မှုအရာမှာ အနောက်နိုင်ငံတွေထက် နောက်ကျပါတယ်ဆိုတဲ့ ဂျပန်နိုင်ငံကတောင် ၁၈ရ၀လောက်မှာစပြီး စက်မှုပညာဘက်ကို အားပေးတည်ဆောက်ခဲ့တာ တွေ့ရပါတယ်။ ဒါကြောင့်မို့ နှစ်ပေါင်း တရာလောက် နောက်ကျနေပြီဖြစ်တဲ့ မြန်မာနိုင်ငံကတော့ အခု ကြွေးကျော်နေတဲ့ ဆောင်ပုဒ်တွေအတိုင်း အကောင်အထည်ဖော်နိုင်ရင်တောင်မှပဲ မျက်မှောက် အိုင်တီနည်းပညာခေတ်နဲ့တော့ တော်တော့ကို အလှမ်း ဝေးနေသေးတယ်လို့ ဆိုရမှာဖြစ်ပါတယ်။

အနာဂတ်ဝါဒီပညာရှင် စာရေးဆရာ Alvin Toffler က ၁၉၈၀ခုနှစ်တုန်းက ထုတ်ဝေခဲ့တဲ့ The Third Wave ဆိုတဲ့ စာအုပ်ထဲမှာ ကမ္ဘာ့တိုးတက်မှုဖြစ်စဉ်တွေကို လှိုင်းလုံးတွေနဲ့ ထင်ဟပ်ဖေါ်ပြခဲ့ ပါတယ်။ Toffler က ကမ္ဘာ့ဖြစ်စဉ်တွေမှာ စိုက်ပျိုးရေးခေတ်၊ စက်မှု တော်လှန်ရေးခေတ်၊ နည်းပညာခေတ် ဆိုပြီး လှိုင်းလုံးကြီး သုံးလုံးရှိတယ်လို့ ဆိုပါတယ်။ အဲဒီ ဖြစ်စဉ်တွေက လှိုင်းလုံးတွေလို ဆင့်ကဲဆင့်ကဲ စဉ်ဆက်မပြတ် ဖြစ်သွားတာလို့ ဆိုပါတယ်။ အခု မျက်မှောက်ခေတ်ဟာ တတိယလှိုင်းဖြစ်တဲ့ နည်းပညာခေတ် ပါ။ သူ့ အဆိုအရတော့ လှိုင်းလုံးတလုံးနဲ့တလုံးရဲ့ အပြောင်းအလဲတွေဟာ ပညာပေါ်မှာသာ အခြေခံပြီးတော့ပဲ ပြောင်းလဲသွားတာ ဖြစ်ပါတယ်။ ပညာရပ်တွေ ပိုအားကောင်းလာ ပိုဆန်းသစ်လာရာက နေ ကမ္ဘာဟာ ပို ပိုပြီး တိုးတက်လာရတာပါ။ ဒါကြောင့် ဒီလှိုင်းလုံးတွေကို အမီ လိုက်နိုင် မှသာ ခေတ်ကို၊ ကမ္ဘာကြီး ကို အမီလိုက်နိုင်မှာ ဖြစ်ပါတယ်။

မြန်မာနိုင်ငံကတော့ စိုက်ပျိုးရေးခေတ်ကိုတောင်မှပဲ စက်မှုလယ်ယာအဖြစ် အောင်အောင် မြင်မြင် မပြောင်းလဲ နိုင်သေးတာ တွေ့ရပါတယ်။ အဲဒီအပြင် စက်မှုကဏ္ဍကိုလည်း နိုင်နိုင်နင်းနင်း မဖေါ်ဆောင်နိုင်သေးပါဘူး။ အဲဒီအပြင် ကုန်ချောပစ္စည်း ထုတ်လုပ်ရေးတွေအတွက် တိုးတက်ကောင်းမွန်တဲ့ စက်ပစ္စည်းတွေ ခုထိ မသုံးနိုင်သေးပါဘူး။ Information Technology ကို ထိထိမိမိ သုံးနိုင်စွမ်းလည်း မရှိသေးပါဘူး။ ဒါကြောင့် မြန်မာနိုင်ငံဟာ ပထမလှိုင်းထဲကနေတောင် မကျော်လွှားနိုင်သေးဘူးလို့ ဆိုရမှာ ဖြစ်ပါတယ်။

မြန်မာနိုင်ငံမှာ အစိုးရရဲ့ တရားဝင်စစ်တမ်းအရ ၁၉၈၈မတိုင်ခင်အထိကို စက်မှု နည်းပညာသင် ကျောင်းသား အရေအတွက်ဟာ အိမ်နီးချင်း ထိုင်းနိုင်ငံနဲ့ ယှဉ်ရင်တောင်မှ ၁၆ဆ နည်းနေခဲ့သေးတာပါ။ ဒါပေမဲ့ အခု ၂၀၀၀ ခုနှစ် နောက်ပိုင်းမှာတော့ တနှစ်ကို စက်မှု ပညာရှင် အင်ဂျင်နီယာ၅၀၀၀ကျော် မွေးထုတ်ပေးနေတယ်လို့ သိပ္ပံနဲ့နည်းပညာဝန်ကြီး ဦးသောင်းက ပြောပါတယ်။ ဒီနေရာမှာ ထည့်ပြောရမယ့် အချက်ကတော့ အဲဒီ အင်ဂျင်နီယာ ဘွဲ့ရတွေဟာ တကယ်တတ်တဲ့ ပညာရှင်တွေ ဖြစ်မလာဘူး ဆိုတာပါပဲ။

ကျောင်းသားတွေဟာ သင်ထောက်ကူ ပစ္စည်းချို့တဲ့မှုတွေနဲ့ နည်းပညာချို့တဲ့မှုတွေကြောင့် အရည်အချင်း မပြည့်မီဘဲ ဖြစ်နေရတာပါ။ ဒါကြောင့် အင်ဂျင်နီယာအနေနဲ့ ပြည်ပမှာ အလုပ် ထွက်လုပ်တဲ့အခါမှာ အတတ်ပညာပိုင်းအရ အခက်အခဲတွေ အများကြီး ရင်ဆိုင်ကြရပါတယ်။ အဲဒီ အကျိုးဆက်ကတော့ မြန်မာ ပညာတတ်တွေကို ပြည်ပက အထင်သေးသွားတာပါပဲ။ အဲဒီအခါ နေရာကောင်း အလုပ်ကောင်းရဖို့ အခွင့်အရေးတွေကိုလည်း လက်လွတ် ဆုံးရှုံး သွားကြရပါတယ်။ ဒါဟာ အမျိုးသားရေးထိအောင် ရောက်သွားတဲ့ သိပ်ကြီးမားတဲ့ ဆုံးရှုံးမှုကြီးပါပဲ။

စကာင်္ပူနိုင်ငံကတော့ လွန်ခဲ့တဲ့ နှစ်၂၀-၀န်းကျင်လောက်ကမှ စက်မှုထွန်းကားဖို့ကို ဦးတည်ရာကနေ သတင်း အချက်အလက် နည်းပညာဘက်ကို ရုတ်တရက် ခုန်ကူးပစ်လိုက်တာ ဖြစ်ပါတယ်။ စင်္ကာပူအစိုးရက ရုံးဌာနတွေ အပါအ၀င် လူထုအသုံးပြုတဲ့ နေရာအတော်များများမှာပါ ခေတ်မီ အီလက်ထရောနစ် စက်ပစ္စည်းတွေကို မဖြစ်မနေ သုံးရအောင် လုပ်ပစ်လိုက်ပြီး ခေတ်ပြောင်း တော်လှန်ရေးဆန်ဆန် ကူးပြောင်းခဲ့တာပါ။ ဒါကြောင့်ပဲ ပြည်သူလူထုအနေနဲ့ သိပ္ပံနဲ့နည်းပညာဆိုင်ရာတွေကို မဖြစ်မနေ ရင်ဆိုင် သင်ယူရတော့တာမို့ ဒီနေ့ အိုင်တီနည်းပညာခေတ်ကို အမီလိုက်ပြီးသား ဖြစ်သွားရ တော့တာပါပဲ။ ပညာရှေ့သွားစနစ်လို့ ဆိုနိုင်ပါတယ်။ အဲလိုဖြစ်ဖို့အတွက် စင်္ကာပူနိုင်ငံဟာ အခက်အခဲတွေ အများကြီးကြားကနေ အဆင့်မြင့်ပညာရေးနဲ့ စက်မှု ပညာရပ် တွေ သင်ကြားရေးကို အရှိန်အဟုန်ပြင်းပြင်းနဲ့ ဆောင်ရွက်ခဲ့ရတာပါ။ အဲဒါဟာ စင်္ကာပူနိုင်ငံကို ရှေ့တန်းနိုင်ငံအဖြစ် အမြန်ဆုံးရောက်စေတဲ့ သော့ချက်လို့ ဆိုရမှာ ဖြစ်ပါတယ်။ ခုတော့ စင်္ကာပူကျွန်းနိုင်ငံ လေးက အရှေ့တောင်အာရှမှာ အဖွံ့ဖြိုး အတိုးတက်ဆုံး စာရင်းဝင် နိုင်ငံတနိုင်ငံ ဖြစ်နေပါပြီ။

ခုဆိုရင် အိမ်နီးချင်းနိုင်ငံတွေက ပညာရှင်အမြောက်အများဟာ စင်္ကာပူနိုင်ငံကို အားကိုးပြီး အလုပ်လုပ် နေကြရ ပါတယ်။ အထူးသဖြင့် ပညာရှင်တွေအတွက် သင့်တော်တဲ့ အလုပ်တွေ၊ ဆက်ပြီး ဆည်းပူးစရာ ပညာရပ်တွေ၊ ရှိနေတာမို့လို့ စင်္ကာပူနိုင်ငံဟာ မြန်မာနိုင်ငံအပါအ၀င် အိမ်နီးချင်းနိုင်ငံ အတော်များများက ပညာရှင်တွေကို လက်ဝယ်ရထားတာ ဖြစ်ပါတယ်။ ဒါဟာ စင်္ကာပူနိုင်ငံအနေနဲ့ ဆက်လက် တိုးတက် ထွန်းကားဦးမယ့် အခွင့် အလမ်း တွေပါပဲ။

မြန်မာနိုင်ငံရဲ့ ပညာရေးကတော့ လက်တွေ့ကျတဲ့ အတတ်ပညာမျိုးကို မပေးနိုင်တဲ့အပြင် ကောင်းမွန်တဲ့ သက်မွေးဝမ်းကျောင်း အလုပ်မျိုးကိုလည်း မပေးနိုင်ပါဘူး။ သင်ယူ တတ်မြောက်လာခဲ့တဲ့ ပညာရေးက လက်တွေ့ အသုံးမချနိုင်တဲ့အပြင် ဆက်လက် ဆည်းပူးစရာလမ်းလည်း မရှိတော့တာကြောင့် ပညာကို လိုလား ပြီး နိုင်ငံအတွက် အကောင်းဆုံး အလုပ်အကျွေးပြုချင်သူတွေဟာ မြန်မာနိုင်ငံထဲမှာ လမ်းစ ပျောက်နေကြရ ပါတယ်။ ဒါပေမဲ့ မြန်မာနိုင်ငံရဲ့ စည်းရိုးကို ကျော်ထွက်လိုက်ရင်တော့ ပညာရှင်ဖြစ်ဖို့ ကြိုးစားနေသူတွေ အတွက်ရော၊ အလုပ်ကောင်းကောင်းရဖို့အတွက်ရော အခွင့်အလမ်းတွေဟာ အိမ်နီးချင်းနိုင်ငံတွေမှာ ရနိုင် နေကြပါတယ်။ ဒါနဲ့ပဲ စင်္ကာပူနိုင်ငံလို မလေးရှားနိုင်ငံလို ပညာရှင်တွေကို မွေးယူစုဆောင်းပြီး နိုင်ငံ တိုးတက်ရေးအတွက် အားတက်သရော လုပ်နေကြတဲ့ အိမ်နီးချင်းနိုင်ငံတွေဆီကို မြန်မာနိုင်ငံထဲက တကယ့် ပညာရှင်တွေ ပညာသင်တွေ ရောက်သွားကြရတာပဲ ဖြစ်ပါတယ်။ ဒါကို ဦးနှောက်ယိုစီးမှု Brain drain လို့ ပြောကြပါတယ်။ ဒါဟာ မြန်မာနိုင်ငံအတွက် ကြီးမားတဲ့ ဆုံးရှုံးမှုကြီး ယိုပေါက်ကြီးပါပဲ။ ဒါပေမဲ့ ပညာရှင်တွေ ဖြစ်လာပြီးမှ ကိုယ့်နိုင်ငံထဲမှာကလည်း ထိထိရောက်ရောက် လုပ်စရာ နေရာမရှိတဲ့အခါ ကိုယ်သင်ယူထားရတဲ့ ပညာနဲ့ ထိုက်တန်တဲ့ အလုပ်တနေရာ အတွက် ပြည်ပကိုပဲ အားကိုးကြရတော့တာပါ။

တကယ်တမ်း မြန်မာနိုင်ငံအနေနဲ့ ကမ္ဘာနဲ့အမီ ရင်ပေါင်တန်းနိုင်ဖို့ တတိယလှိုင်းကို အမီလိုက်နိုင်ဖို့ဆိုရင်တော့ သိပ္ပံနဲ့နည်းပညာဘက်ကို စင်္ကာပူနိုင်ငံလို အလျင်အမြန် ခုန်ကူးလိုက်နိုင်မှပဲ ဖြစ်မှာပါ။ အဲဒီအတွက် အဓိက လိုအပ်ချက်ကတော့ အာဏာပိုင်တွေအနေနဲ့ အိုင်တီ နည်းပညာကို ပြည်သူတရပ်လုံး အသုံးချနိုင်အောင် လက်တွေ့ကျကျ အားပေး ပံ့ပိုး ပေးဖို့ပါပဲ။ ဒါဟာ နိုင်ငံတိုးတက်ရေးအတွက် တကယ် လိုအပ်တဲ့ အမျိုးသား ပညာရေးကို ထူထောင်ပေးတာနဲ့လည်း အတူတူပဲဖြစ်ပါတယ်။

မေငြိမ်း(ဧပြီ၊၂၀၀၇)