တက္ကသိုလ်ပညာရေး အကျပ်အတည်း

တကယ်တော့ ၁၉၈၈ခုနှစ် မတိုင်ခင်ကတည်းက တက္ကသိုလ်တွေမှာ ဆရာဆရာမ အင်အား မလုံလောက်တဲ့ ပြဿနာ ရှိနေပါတယ်။ ဒါကြောင့် ၁၉၈၆နိုဝင်ဘာမှာ တက္ကသိုလ်အဆင့်အတွက် ဆရာတွေ အများကြီး အလုပ် ခန့်ပစ်လိုက်ပါတယ်။ အဲဒီထဲက အများစုဟာ ၀ိဇ္ဇ္ဇာဘွဲ့ရပြီးတာ ပူပူနွေးနွးပဲရှိသေးတဲ့၊ ဂုဏ်ထူးတန်း တက်နေတာ လပိုင်းသာရှိသေးတဲ့ ကျောင်းသားကျောင်းသူတွေပဲ ဖြစ်ပါတယ်။ သူတို့ဟာ နည်းပြအဆင့် (Tutor, Demonstrator) ဆရာဆရာမတွေဖြစ်လာပြီး စာသင်ခန်းတွေ တန်းဝင်ရတဲ့ ဆရာဆရာမတွေ ဖြစ်လာပါတယ်။ တကယ်တော့ တက္ကသိုလ် ဆရာ ဆရာမ အများစုဟာ အချိန်ပိုင်း နည်းပြ သရုပ်ပြ လို့ခေါ်တဲ့ ရာထူးမျိုးကနေ သင်ကြားရေးကို ဆရာကြီး ဆရာမကြီးတွေဆီက အချိန်ယူ လေ့လာကြပြီးမှ အချိန်ပြည့် ဆရာ ဆရာမအဖြစ် ကိုယ်တိုင် စာဝင်သင်နိုင်တဲ့ အဆင့်ကို ရောက်ကြရတာပါ။ အခုကျတော့ သူတို့ကိုယ်တိုင် သင်ကြားရေးအတွက် ဘယ်လို လေ့လာ ပြင်ဆင်ထားမှုမျိုးမှ မရှိသေးဘဲ စာသင်ခန်းတွေထဲ တန်းဝင်ပြီး စာသင်ကြရပါတယ်။ အဲဒီအခါ ချို့ယွင်းချက်တွေ အားနည်းချက်တွေ အများကြီး ရှိလာပါတယ်။

ဒါပေမဲ့ မြန်မာနိုင်ငံရဲ့ ထုံးစံအတိုင်း ကျောင်းပညာရေးဟာ ဆရာပြောသမျှ လက်ခံယူရတဲ့ စနစ်ဖြစ်တဲ့အတွက် တပည့်တွေက ပြန်ပြီး ဝေဖန် သုံးသပ် ဆွေးနွေးတဲ့ အလေ့ မရှိတာ ကြောင့် ဆရာနဲ့ တပည့်ကြားမှာတော့ ဘာ ပြဿနာမှ မပေါ်ခဲ့ပါဘူး။ ကျောင်းသားတွေ ပညာရေးကောင်းကောင်း အဆင့်မီမီ မရတာသာ နောက်ဆက်တွဲ အကျိုးဆက် ဖြစ်လာပါ တယ်။ အဲဒီတုန်းက ဆရာ ဆရာမ အများစုက ကိုယ်တိုင်လည်း ကျောင်းသား တပိုင်း မို့လို့ သူ့ရဲ့ ကျောင်းစာတွေတဘက်နဲ့မို့ ဆရာဆရာမတွေဟာလည်း သင်ကြားရေးကို အချိန်ပြည့် အာရုံ မစိုက် နိုင်ပါဘူး။ အဲလိုနဲ့ ကိုယ်သင်ပေးရမယ့် စာသင်ချိန်အတွက် သင်ခန်းစာတွေကို သေချာကြိုတင် ပြင်ဆင်တာ မျိုးလည်း မလုပ်နိုင်ကြပါဘူး။ ဒီလိုနဲ့ ဆရာ ဆရာမတွေ ကိုယ်တိုင် အရည်အချင်း မပြည့်မီတဲ့အတွက်လည်း ပညာရေး အဆင့်အတန်း ကျဆင်း လာရတာ ဖြစ်ပါတယ်။

ရှစ်လေးလုံးအရေးတော်ပုံအပြီးမှာ ကျောင်းတွေ ရက်ရှည် ပိတ်လိုက်တော့ ဌာနဆိုင်ရာအလိုက် မွမ်းမံသင်တန်း တွေ စာတမ်းဖတ်ပွဲတွေ ရှိပေမဲ့ ပညာရေးအတွက် တကယ် လိုအပ်တဲ့ သင်ကြားနည်းစနစ်တွေ သင်ရိုးဆိုင်ရာ ဆွေးနွေးပွဲတွေ မဟုတ်ပါဘူး။ လုပ်ငန်းပြအနေနဲ့သာ လုပ်ခဲ့ကြရတာပါ။ ဒီလိုနဲ့ ကျောင်းတွေ ပိတ်လိုက် ဖွင့်လိုက် သံသရာထဲမှာ ဆရာ ဆရာမတွေဟာ ကိုယ်နဲ့ ဘယ်လိုမှ မပတ်သက်တဲ့ ဖေါင်ကြီး သဘောတရားရေး သင်တန်းတက်ရတာတွေ၊ နယ်မြေလုံခြုံရေး တာဝန်ယူရတာတွေ၊ ကျောင်းသားတွေကို တင်းတင်းကျပ်ကျပ် ထိန်းချုပ် ကိုင်တွယ် ပေးရတာမျိုးတွေနဲ့ အချိန်ကုန်ခဲ့ကြရတာပါ။

အဲဒီအပြင် ကျောင်းတွေ မကြာခဏ ရက်ရှည်ပိတ်တဲ့ အကျိုးဆက်အဖြစ် အချိန်ပို အလုပ်တာဝန် ယူရတာတွေ ကလည်း ဆရာ ဆရာမတွေ အပေါ်မှာ ဖိစီးလာပါတယ်။ ဒါကြောင့် ဆရာဆရာမတွေဟာ သူတို့အတွက် မဖြစ်မနေ လိုအပ်တဲ့ ပညာရပ်ဆိုင်ရာ လေ့လာမှုနဲ့ အရည်အသွေး မြှင့်ဖို့တွေကို မလုပ်ကြရပါဘူး။ အဆိုးဆုံး ကတော့ အလုပ်ချိန် ၈နာရီ အတောအတွင်းမှာ စာကြည့်တိုက်ကိုတောင်မှ သွားခွင့် မရတာပါပဲ။

အဲဒီအခြေနေတွေက ၁၉၉၆ ကျောင်းသားလှုပ်ရှားမှုကြောင့် ကျောင်းတွေရက်ရှည် ထပ်ပိတ်အပြီး ပြန်ဖွင့်တဲ့ ၁၉၉၉-၂၀၀၀နောက်ပိုင်းမှာ ပိုဆိုးလာပါတယ်။ စာသင်ချိန်နဲ့ သင်ရိုး မမျှမှုတွေ၊ တပြိုင်တည်းမှာ စာသင်နှစ် သုံးလေးမျိုးကို တပြိုင်တည်း စာသင်ရ။ စာမေးပွဲတွေ နောက်ဆက်တွဲ စာမေးပွဲတွေ ကျူတိုရီယယ်တွေ အကြိမ်ကြိမ် စစ်ပေး နေကြ ရတဲ့အတွက် ဆရာဆရာမတွေဟာ အဆမတန် ပင်ပန်းကြပါတယ်။ ကျောင်းတွင်း အလုပ်ချိန် ၈နာရီအပြင် အိမ်ကိုပါ စာမေးပွဲကိစ္စတွေ ကျောင်းခေါ်ချိန်ကိစ္စတွေ သယ်သွားကြရတဲ့အတွက် တစ်နေ့ကို အလုပ်အတွက် အချိန် ၁၂နာရီလောက် ပေးနေကြရတာပါ။ ဒီတော့ သင်ကြားရေးအတွက် လေ့လာ ပြင်ဆင်ဖို့ အချိန်ရော ခွန်အားရော မပေးနိုင်ကြတော့ပါဘူး။ ဒီကြားထဲ ရတဲ့လစာနဲ့ ဘယ်လိုမှ စားဝတ်နေရေး မလုံလောက်တဲ့အတွက် ဆရာဆရာမရဲ့ တန်ဖိုးနဲ့ ဂုဏ်သိက္ခာကို ထိခိုက်စေတဲ့၊ အပြင် အလုပ်ပိုတွေ ကျူရှင်ပြ ရတာတွေ လုပ်လာကြရပါတယ်။ ဒါတွေဟာ ပညာရေးစနစ် တစ်ခုလုံးကို ထိခိုက်လာစေတဲ့ အကြောင်းရင်း တွေပါပဲ။

ထိုင်းနိုင်ငံမှာတော့ တက္ကသိုလ်က ဆရာဆရာမတွေဟာ တစ်ပတ်ကို အများဆုံး အတန်းချိန် ၃ချိန်ကနေ ၅ချိန် ထိပဲ ရှိပါတယ်။ ကျန်တဲ့အလုပ်ချိန်တွေဟာ သူတို့ကိုယ်တိုင် သုတေသနစာတမ်းရေးတဲ့ သင်ကြားရေးအတွက် ပြင်ဆင်တဲ့ အချိန်တွေ ဖြစ်ပါတယ်။ ထိုင်းနိုင်ငံက ဆရာဆရာမတွေဟာ လစာနဲ့ လုံလောက်တာကြောင့် စားဝတ်နေရေးအတွက် မပူပန်ကြရပါဘူး။ ဒါကြောင့် ကိုယ်ရွေးချယ်တဲ့ အလုပ်ကို စိတ်နှစ်ပြီး ဖိဖိစီးစီး လုပ်နိုင် ကြပါတယ်။ ဒါကြောင့် ပညာရေးမှာ ကြိုးစားရင် ကြိုးစားသလောက် အောင်မြင်ပါတယ်။ အဲဒီအပြင် တက္ကသိုလ် က ဆရာဆရာမတွေဟာ တစ်ဦးချင်း သင်ကြားရေး အစီအစဉ်(Lesson Plan)တွေ၊ သုံးစွဲတဲ့ သင်ကြားနည်း တွေ၊ သင်ခန်းစာနဲ့ သက်ဆိုင်တဲ့ လှုပ်ရှားမှု (Activities) တွေနဲ့ သူတို့လုပ်တဲ့ ပညာရပ်ဆိုင်ရာ ဘာသာရပ် ဆိုင်ရာ သုတေသနစာတမ်းတွေကို နှစ်စဉ် Report တင်ကြရပါတယ်။ အဲဒီ အလုပ်အပေါ် မူတည်ပြီး ရာထူးတိုး တာတို့ လစာတိုးတာတို့ ဘွဲ့ထူး ဂုဏ်ထူး ပေးတာတို့ကို ခံစားကြရတာပါ။ မြန်မာနိုင်ငံလို လုပ်သက်နှစ်ပြည့်ရင် အလိုလို ရာထူးတက်သွားတာမျိုး မဟုတ်ပါဘူး။ ဒါကြောင့် အိမ်နီးချင်း ထိုင်းနိုင်ငံမှာတောင်မှပဲ ဆရာ ဆရာမ အများစုက အရည်အသွေး ပြည့်မီကြတယ်လို့ ဆိုနိုင်ပါတယ်။

တိုက်တိုက်ဆိုင်ဆိုင်ပဲ ထိုင်းနိုင်ငံမှာ စက်တင်ဘာ၂၀ရက်နေ့က စစ်တပ်က အာဏာသိမ်းပြီး စစ်အုပ်ချုပ်ရေး ထုတ်ပြန်ခဲ့ပါတယ်။ ဒါပေမဲ့ ကျောင်းတွေ ရုံးတွေကတော့ ဖွင့်လျှက်ပါပဲ။ တက္ကသိုလ်တွေထဲမှာလည်း အခြေအနေ တစုံတရာ မပျက်တဲ့အပြင် လမ်းတွေပေါ်မှာလည်း စစ်အုပ်ချုပ်ရေးဆန်တဲ့ လက္ခဏာတွေဖြစ်တဲ့ စစ်သားတွေ စစ်ကားတွေ ဘာတစ်ခုမှ မတွေ့ရပါဘူး။ သူတို့ဆီက စစ်တပ် အာဏာသိမ်းမှုဟာ ပြည်သူ လူထု ကို နည်းနည်းမှ မထိခိုက်စေတဲ့ အာဏာသိမ်းမှုမျိုးပါ။ အထူးသဖြင့် ပညာရေးကို မထိခိုက်ရအောင် ဂရုစိုက်တာ တွေ့ရပါတယ်။ ဒါဟာ အစိုးရကောင်းရဲ့ လက္ခဏာလည်း ဖြစ်ပါတယ်။

မြန်မာနိုင်ငံမှာကတော့ ဆရာဆရာမတွေရော ကျောင်းသား ကျောင်းသူတွေရောဟာ ဘွဲ့ယူစာတမ်းမျိုးကလွဲလို့ သုတေသနစာတမ်း ရေးရတာ ကွင်းဆင်းသုတေသန လုပ်ရတာမျိုးတွေ မရှိပါဘူး။ အချိန်အရရော ငွေကြေး စရိတ်စက အရရော မလုပ်နိုင်ကြပါဘူး။ အစိုးရကလည်း ပံပိုးပေးတာမျိုး မရှိပါဘူး။ ဒါကြောင့်ပဲ ပညာရေး အရည်အသွေးမှာ ဆရာ ဆရာမတွေမှာပါ ဆုတ်ယုတ် ကျဆင်း နေရတာ ဖြစ်ပါတယ်။

မြန်မာနိုင်ငံရဲ့ တက္ကသိုလ်ပညာရေးနယ်ပယ်ထဲမှာတော့ သုတေသနလုပ်ခွင့်ဆိုတာဟာ ငွေကြေးအင်အား တတ်နိုင်လို့ ပါရဂူတန်းတွေ တက်နိုင်တဲ့၊ လူနည်းစုသာ လုပ်ခွင့်ရှိတဲ့ အခွင့်ထူးကြီးသာ ဖြစ်ပါတယ်။ နိုင်ငံတကာမှာရှိတဲ့ ပညာတော်သူတွေအတွက် အထောက်အပံ့ ပေးတဲ့ ပညာသင်ဆု(Scholarship) ဆိုတာမျိုးက မြန်မာနိုင်ငံမှာတော့ လူနည်းစုသာ ရှိတတ်တဲ့ ပါရဂူတန်းတွေအတွက်တောင် မရှိနိုင်သေးပါဘူး။ ဒါကြောင့်ပဲ မြန်မာနိုင်ငံမှာ တကယ် ပညာတော်ပေမယ့် ငွေကြေးမတတ်နိုင်တဲ့အတွက် ပေါ်ထွန်းရမယ့် ပညာရှင်တွေကို အများကြီး ဆုံးရှုံးနေကြရပါတယ်။ တချိန်ထဲမှာပဲ ပညာမတော်လှပါဘဲနဲ့ ငွေကြေး တတ်နိုင် တာ တခုတည်းကြောင့် ပညာရေးလောကရဲ့ ထိပ်တန်းမှာ တွင်ကျယ်နေတဲ့သူတွေလည်း ရှိနေပါတယ်။ ဒါကြောင့်ပဲ မြန်မာနိုင်ငံမှာ ပညာရေး ပါရဂူလောင်းတွေ အများကြီး တန်းစီရှိနေပါလျက်နဲ့ ပညာရေး အဆင့် အတန်းကတော့ဖြင့် ဆုတ်ယုတ် ကျဆင်း နေရတာပဲ ဖြစ်ပါတယ်။

မေငြိမ်း
၂၀၀၆။